פסוקים פופולריים מ- KUPUTUKA 1

שתף

Kalunga alyambile ngwenyi, Tu­tengenu mutu wakutambula kuli Etu, wakulifwana naYetu, vapwenga nawangana wavaixi vamukalungalwiji, natujila vamwilu, navimuna, naha-mavu hosena, navaka-kuhalala vaku­tambuka hamavu vosena. Kalunga atangile mutu wakuta­mbula kuli Ikiye. Amutangile waku­tambula kuli Kalunga. Avatangile nalunga napwevo.

Kalunga avakiswile, kaha Kalu­nga avambile ngwenyi, Semenunga mukavule cikuma, mukasulise ha­mavu, mukawononone. Twamenunga nawangana wavaixi vamukalu­ngalwiji, natujila vamwilu, navaka-kuyoya vakutambuka hamavu vo­sena.

Hakuputuka Kalunga atangile melu namavu.

Hamavu hapwile hapimbi, hapwile hamokomoko, kaha helu lyakajinga hapwile milima. Kaha Xipilitu yaKalunga apwile nakutengenya helu lyameya.

Kalunga ambile ngwenyi, Kupwenga kumunyika, kaha kumunyi­ka kucapwilenga.

Kalunga amwene vyuma vyosena vize atengele, kaha ngwenyi, Vinawahe cikuma. Kwapwile cingoloxi, kaha kwapwile cimene, likumbi lyamucitanu nalimwe.

Kalunga amwene kumunyika ngwe­nyi, cinawahe, kaha Kalunga ahandunwine kumunyika namilima.

Kalunga avambile ngwenyi, Ta­lenu, ngunamihane vyuma vyakwima jimbuto vituta vyosenevi vili kwilu lyamavu kwosena, namitondo yosena yakwima mihako yamitondo yakwima jimbuto, navipwa vyakulya kuli enu.

Kumunyika Kalunga acilukile ngwenyi, Musana, kaha milima ayilukile ngwenyi, Ufuku. Kwapwile cingoloxi, kaha kwapwile cimene, likumbi limwe.

Kalunga ambile ngwenyi, Mu­kaci kameya mupwenga utangatanga, uhandunune meya nameya.

Kaha kuli tunyama vahamavu vosena, nakuli tujila vahelu vosena, nakuli vaka-kuhalala hamavu vo­sena, vakweci myono yakuyoya, ngunavahane vyuma vyosena vituta kupwa kulya cavo. Kaha capwile ngoco.

Kalunga ambile ngwenyi, Hautangatanga walilu hapwenga vyakumunyika vihandunune musana naufuku, vipwenga vinjikizo, vilwezenga jingonde namakumbi namyaka.

Kalunga ambile ngwenyi, Ha­mavu hasoke mwila, navyuma vyakwima jimbuto vituta, namitondo yakwima mihako mwaya miyaci yayo, muyikiko muli jimbuto jayo hamavu. Kaha capwile ngoco.

Kalunga atengele utangatanga, anandunwine meya apwile muxi yautangatanga nameya apwile helu lyautangatanga, kaha capwile ngoco.

Hamavu hasokele mwila navyu­ma vyakwima jimbuto vituta mwaya miyaci yavyo, namitondo yakwima mihako muyikiko muli jimbuto jayo mwaya miyaci yayo. Kaha Kalunga acimwene ngwenyi, cinawahe.

Kalunga atangile vyakumunyika vyavinene vivali, eci cakumunyika cacinene cikuma kupwa nawata wamusana, eci cakumunyika cacindende kupwa nawata waufuku. Avatangile vatanganyika nawa.

Kalunga ambile ngwenyi, Meya ali muxi yalilu azavukile kumwe, kaha tunda yisoloke. Kaha capwile ngoco. Tunda Kalunga ayilukile ngwe­nyi, Mavu. Kaha kuzavuka cameya acilukile ngwenyi, Tulungalwiji. Ka­ha Kalunga acimwene ngwenyi, ci­nawahe.

Kalunga avakiswile, avambile ngwenyi, Kasemenunga, mukavule cikuma, mukasulise meya amutulungalwiji, kaha tujila nawa vakavule cikuma hamavu.

Kalunga ambile ngwenyi, Ha­mavu halovoke vakweci myono ya­kuyoya mwaya miyaci yavo, navimuna, navaka-kuhalala hamavu, na­tunyama vahamavu mwaya miyaci yavo. Kaha capwile ngoco.

Kalunga ambile ngwenyi, Mumeya muyonge mayongomena avakweci myono yakuyoya, kaha tujila vatukenga helu lyamavu hautanga­tanga walilu.

Kalunga atengele tunyama vaha­mavu mwaya miyaci yavo, navimuna mwaya miyaci yavo, navaka-kuhalala hamavu vosena mwaya miyaci yavo. Kaha Kalunga acimwene ngwenyi, cinawahe.