פסוקים פופולריים מ- Maitiú 28

שתף

Ar an adhbhar sin, imthighigidh, agus teagascaigidh na h-uile chinidheacha, ghá mbaisteadh i n-ainm an Athar, agus an Mhic, agus an Spioraid Naoimh; Agus teagascaigidh dóibh gach uile nídh dár aithin mise díbh a choimhéad. Agus féach, tá mise i bhur bhfochair gach aon lá go deireadh an tsaoghail.

Agus ar theacht do Íosa, labhair sé leo, ag rádh: Tá an uile chumhacht ar neamh agus ar talamh tugtha damh-sa.

Agus d’fhreagair an t-aingeal, agus dubhairt leis na mná: Ná bíodh eagla oraibh-se; óir tá a fhios agam go bhfuil sibh ag cuártughadh Íosa a céasadh. Ní fhuil sé annseo; óir d’éirigh sé, mar a dubhairt sé. Taraigidh, agus feicigidh an áit ina raibh an Tighearna ina luighe.

Annsin deir Íosa leo: Ná bíodh eagla oraibh. Imthighigidh agus abraigidh le mo bhráithre dul chun na Gailile: tchífidh siad annsin mé.

Agus chruinnigh siad-san i gcionn a chéile mar aon leis na seanóirí, agus i ndiaidh dul i gcómhairle dóibh, thug siad suim mhór airgid do na gárdaí, Ag rádh: Abraigidh go dtáinic a dheisciobail san oidhche, agus gur ghoid siad é, nuair a bhí sinne i n-ár gcodladh. Agus má chluin an t-uachtarán fá seo, cuirfimíd-ne cómhairle air, agus cuirfimíd sibh-se ó bhaoghal. Agus ghlac siad-san an t-airgead, agus rinne siad mar dubhradh leo. Agus leathnuigheadh an scéal sin imeasc na n-Iúdach go dtí an lá atá indiu ann.