פסוקים פופולריים מ- Eoin 13

שתף

Do‐bheirim aithne nua dhaoibh, grádh do thabhairt d’á chéile; fá mar thug mise grádh dhaoibh‐se, go dtiubhradh sibh‐se grádh d’á chéile, chómh maith. As sin aithneochaidh gach uile dhuine gur deisceabail damh‐sa sibh, acht grádh bheith agaibh d’á chéile.

D’á bhrigh sin, má nigheas‐sa bhúr gcosa, agus gur mé an Tighearna agus an Múinteoir, ba cheart daoibh‐se cosa a chéile do nighe. Óir atá eisiompláir tabhartha agam daoibh, go ndéanfadh sibh‐se fá mar tá déanta agam‐sa dhaoibh.

D’fhreagair Íosa agus adubhairt sé leis, An nidh do‐ghním‐se, ní thuigeann tú anois é; acht tuigfidh tú é ar ball.

Go fírinneach adeirim libh, Ní mó an seirbhíseach ’ná a mháighistir; agus ní mó an teachtaire ’ná an té do chuir uaidh é.

Má’s eol daoibh an méid sin, is aoibhinn daoibh má ghníonn sibh d’á réir.

agus go raibh sé ag dul chum Dé, d’éirigh sé ó’n mbórd, agus do chuir sé a bhrat i leathtaoibh, agus do ghlac sé tubháille, agus do cheangail sé fá n‐a chom é. Annsin do dhoirt sé uisce isteach i mbáisín, agus do thosnuigh sé ar chosa a dheisceabal do nighe, agus ar a dtriomú leis an tubháille do bhí timcheall a chuim.