פסוקים פופולריים מ- Matayo 2

שתף

Aii dreki šizo jona, dreki mva camva di ni nozo akodi andre, Maria be; aii dreki dezo akodi kandra, dreki akodi ledezo; aii dre njira’a aiiki nga lagi murungu dise, aii dre nga fezo adidre, da’abu, eubani, emanemane be.

A koti Yesu Betalemana Yudana di, Erode dre adrera’a mokonziro di a, mi no ka, ago togiliyi aliki kurulese Yerusalemina, dre tazo, ki di, Akodi Mokonzi Yudakia tile di angua ya? Ama dre adini bibiña nole kurulese dise, dreki alizo adini lede.

Dra aii dre bibiña nozo di, aii lenze ari be we.

Nzambe dre aii logara’a torobise, aii kogoro Erode vuna ko, aii njidre aiiki tandini la’una lati azina ase. Dra aii dreki njizo, mi no ka, malaika Miri adea aga Yosefa kandra torobise, dre tazo, ki di, Mi konga kuru, dre mva camva di dozo, akodi andre be, dre lapazo Misirina mi kadre nale ma ko ta ta midre ka: Erode dre mva camva di ndale fule drale dise.