פסוקים פופולריים מ- Jɔ̃́ɔ́ 10

שתף

Dyíɖíí-nyɔ̀ ɓěɔ̀ dyi, ɓɛ́ wa ké ɖɛ dyíɖí, ɓɛ́ wa ké kú ɖáɓá, ɔ kè ɓɛ́ wa ké ɖɛ mú gbɔɔ̀ ɖòùn. Kɛɛ mɔ́ún dyi, ɓɛ́ nyɔǔn ké fɛ̀ɛ̀ ɓéɖé, ɓɛ́ wa kéɛ ɓéɖéɛń zi.

“Mɔ̄ mɔ̀ ɓáɖáá-dyí-gmɔ̀-nyɔ̀ nɔ̀mɔ̀ dyíinɔ̀. Ɓáɖáá-dyí-gmɔ̀-nyɔ̀ nɔ̀mɔ̀ dyíinɔ̀ pɛ̃́ìn ɔ fɛ̀ɛ̀ɔ̀ dyi ɓó ɔ ɓáɖáá ɓěɔ̀ jè.

Ní ɓáɖáá ɓěɔ̀ wɔ̃́ ní wuɖu. Ḿ dyuò wa dyí, ké wa sí ḿ kíɖíí.

Ḿ nyí wa sè-ná-sèɛ̀ fɛ̀ɛ̀, ké wa se mɛ́ɛ mu fɔɔ. Nyɔ ɖò se wa ḿ xwaún zàà ɓɛ́ìn.

Mɔ̄ mɔ̀ kòòɔ̀ wɔ̃ɔ̀. Nyɔ ɖò dyi ɖé ḿ mú dyáìn ní, nìí, ɔ mu póùn. Ɔ mu dyáùn, ké ɔ mu síìn, ké ɔ mu pìǐ ɓɛ̀ɖɛ̀ɛ̀-ɓɛ̀ɖɛ̀ɛ̀ dyéìn.

Mɔ̄ mɔ̀ ɓáɖáá-dyí-gmɔ̀-nyɔ̀ nɔ̀mɔ̀ dyíinɔ̀. Kà ɓɛ́ Ɓǎɔ̀ dyuòà ḿ dyí, ké ḿ dyuòà ɔ mɔ̀ùn dyíɛɛ, kà dyúáɖòɔ̀ kǎà ḿ dyuò ní ɓáɖáá ɓěɔ̀ dyí, ké wa dyuò mɔ́ún dyí. Ḿ wɔ̃́ ɓɛ́ ḿ ké mɛ́ ɓó wa jè.

Ɖɛ ɓɛ́ ḿ Ɓǎ ɖǎ ḿ nyíɛɛ kpa ɖɛ ké ɔ zi ɖɛ séín dyí. Ké nyɔ ɖò se wa ḿ Ɓǎ xwaún zàà ɓɛ́ìn. Ḿ kè Ɓǎɔ̀ mɔ̀ nyɔ dyúáɖò.”

Mɔ̄ mɔ̀ ɓáɖáá-dyí-gmɔ̀-nyɔ̀ nɔ̀mɔ̀ dyíinɔ̀. Kà ɓɛ́ Ɓǎɔ̀ dyuòà ḿ dyí, ké ḿ dyuòà ɔ mɔ̀ùn dyíɛɛ, kà dyúáɖòɔ̀ kǎà ḿ dyuò ní ɓáɖáá ɓěɔ̀ dyí, ké wa dyuò mɔ́ún dyí. Ḿ wɔ̃́ ɓɛ́ ḿ ké mɛ́ ɓó wa jè.

Nyɔ ɖò se ní fɛ̀ɛ̀ɔ̀ ḿ xwa zà. Ḿ tò ní fɛ̀ɛ̀ɔ̀ ɖé ḿ mìɔùn nììn hwòɖǒɛ̀-wɔ̃́-wɔ̃́ mú. Ḿ ɓéɖé kpé ɓɛ́ ḿ kéɛ dyi pɛ̃́ìn, ké ḿ ɓéɖé kpé ɓɛ́ ḿ kéɛ dyí ɖú ɖe. Ɖɛ ɓɛ́ ḿ Ɓǎ cɛ̃ ma ḿ gbo, ɓɛ́ ḿ ké nyuɛɛ nìàǒ wɛ̀.”

Ɔ jèɛɛ, Jízɛ̀ cɛ̃ɛ ma ɖe, ké ɔ ɖá, “Ḿ cɛ̃ ɓě jǎà gbo, mɔ̄ mɔ̀ ɓáɖáá ɓěɔ̀ kòòɔ̀ wɔ̃ɔ̀.

Nyɔ mɔ̀ tɔ́mɔ́ìn-nyɔ̀, ké ɔ se ɓáɖáá-dyí-gmɔ̀-nyɔ̀ɔ̀, ké ɔ se ɓáɖáá ɓěɔ̀ kɔ̃̀ kɛɛ dyi ji ɖò dyiɛ dyéín, ɔ táà ɓáɖáá ɓěɔ̀ dyi, ké ɔ gbǔ. Ké jiɔ̀ kpɔ̃ ɓáɖáá ɓěɔ̀ ɖíɛ́ ɓě, ké ɔ ɓeìn ɓáɖáá tɔ̀ɔ̀ ɓěɔ̀ dyi.

Ké Jízɛ̀ cɛ̃ɛ ma ɖe, ké ɔ ɖá, “Ḿ cɛ̃ ɓě jǎà gbo, nyɔ ɓɛ́ ɔ se ɓáɖáá-kòòɔ̀ wɔ̃ɔ̀ gbo dyáìn, kɛɛ ɔ mu dà kà kò ɖò dyáìn nyɛɛ, ɔ mɔ̀ dyíɖíí-nyɔ̀ kè nyɔ-ɖɛ-gana-xwa-zàìn-nyɔ̀.