פסוקים פופולריים מ- Jɔ̃́ɔ́ 15

שתף

“Mɔ̄ mɔ̀ ɖúúɔ̀. Ɓě mɔ̀ ní ɖɔ́ ɓěɔ̀. Nyɔ ɓě ɓɛ́ wa mu ḿ mú nììn, ké mɔ́ún mu wa mɔ̀ùn mú nììn nyɛɛ mu ɓo pàɖǎ tòɖòùn. Sepóɛɖé ḿ se ɓě gbo nìǐn, ɓě ɖòùn se ɖɛ ɖò nyuɛ ɓɛ́ìn fɔɔ.

Ɓě mɛ nì ɖé ḿ mú kánáá pū, ké ní mu ɓě mɔ̀ùn mú nììn kánáá pū. Ɓě se ɖé ḿ mú nìǐn, nìí, ɓě se ɓo ɖò tòɖòɛ̀ ɓɛ́ìn, kà dyúáɖòɔ̀ kǎà ɖúúɔ̀ ɖɔ́ ɖò se ɓo tòɖòɛ̀ ɓɛ́ìn, ɔ sèìn ɔ nì dyɛ ɖúúɔ̀ dyí hwɛ̀.

Ɓě dyi ɖé ḿ mú nì, ké ní wuɖu ɓěɔ̀ dyi ɖé ɓě mú nìǐn, nìí, ɓě mu ɖɛ séín ɓɛ́ ɓě mɔ́ kɛɛ zɔ̀ùn, ké ɓě mu wa dyéìn.

Ɓě se ma ḿ gã. Kɛɛ mɔ̄ mɔ̀ nyɔ gã ma ɓě, ké ḿ ɖá ɓě mɛ mu, ɓɛ́ ɓě ké ɓo ɓě ɓɛ́ wa muà nììn kánáá pūɛɛ ɓáún-ɓáún tòɖò. Ké Ɓǎɔ̀ mu ɖɛ séín ɓě ɓɛ́ ɓě zɔ̀ ɔ ɖé ní nyɛ́nɛ́ múɛɛ ɓě nyíìn.

Ɖɛ̀ɓɛ̀ǐn-ɖɛ̀ɓɛ̀ǐn vɛ̀nɛ̀ ɓɛ́ ɔ zi ɔ séín dyí, ɓɛ́ nyɔ ɖò ɓɛ́ìn ɓéɖéɛ ɓó ɔ ɓǎto ɓě bììɛɛ mɔ̀ ɓɛ́ ɔ ké wa bìì mɛ́.

Ɔ jaɖa ní ɖɔ́ séín ɓě ɓɛ́ wa se ɓo tòɖò kɛ. Ké ɔ zà ní ɖɔ́ séín ɓě ɓɛ́ wa tòɖò ɓo kɛɛ ɖɔ́ bũ̌in, ɓɛ́ wa ké dyíin nɔ̀mɔ̀, ɓɛ́ wa ké ɓo pàɖǎ tòɖò.

“Ɖɛ ḿ cɛ̃ kɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú kà ḿ ɖɛ̀ɓɛ̀à ɓě múɛ.

Kà nyɔǔn nyu ḿ Ɓǎà dĩ́ín-dĩ̀ìnɔ̀ dyéɛ kɛɛ kɛà kɛ̀. Ɔ mɔ̀ ɖé ɓěɛ̀ ɓo pàɖǎ tòɖò-tòɖòɔ̀ mú. Ké kǎà ɓě nyu kǎa ní ɖeín-nà-nyɔ̀ ɓě jǔɛ.

“Mɔ̄ mɔ̀ géɖéè-ɖúú jɛ́ɛ́ɔ̀, ké ḿ Ɓǎ mɔ̀ ní dyí-gmɔ̀-nyɔ̀.

Nyɔ ɓɛ́ ɔ se ḿ mú nì kɛɛ, wa po ɔ xwáɖáún kà wa poà ɖúúɔ̀ ɖɔ́ xwáɖáún wɛ̃, ké ɔ dyɛ. Wa poìn ɖúúɔ̀ ɖɔ́ ɓě nì ná kɛɛ dyí, ké wa po wa dyéɖé, ké wa sĩ.

Ḿ cɛ̃ ɓě ɖɛ ɓě nìà kɛ gbo, ɓɛ́ ní múàɔ̀ ké ɖé ɓě mú nì, ɔ kè ɓɛ́ ɓěɛ̀ múàɔ̀ ké gbɔ hwɛ̀.

Ɓě dyi ɖɛ ɓě ɓɛ́ ḿ cɛ̃à kɛɛ nyuín, ɓě mu ɖé ní ɖɛ̀ɓɛ̀ǐn-ɖɛ̀ɓɛ̀ǐnɔ̀ mú cĩ́ìn. Kà dyúáɖòɔ̀ kǎà ḿ ɖǎ ɖɛ ɓě ɓɛ́ ḿ Ɓǎ cɛ̃ maa nyu, ké ḿ cĩ́ ɖé ɔ nììn ɖɛ̀ɓɛ̀ǐn-ɖɛ̀ɓɛ̀ǐnɔ̀ mú.

Ɖɛ ḿ cɛ̃ ɓě gboɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú.

Ɓě dyi ma ɓóɖó-kpàà nììn nyɔ ɓěɔ̀ ɖò jǔǐn, nìí, ɓóɖó-kpàà nyɔ ɓěɔ̀ muɔ́ ɓě mú ɖɛ̀ɓɛ̀ìn kà wa ɖɛ̀ɓɛ̀à wa mìɔùn nììn nyɔ ɓěɔ̀ múɛ. Kɛɛ ḿ gã ɓě, ɓɛ́ ɓě ké ɓóɖó-kpàà nyɔ ɓěɔ̀ hwìɛ̀ sɔ̀, ké ɓě se ɔ nyɔ ɓě ɖe. Ɖɛa kɔ̃̀ jè wa nyɛ́à ɓě múɛ̀.