פסוקים פופולריים מ- Ɖúù 17

שתף

Ké Jízɛ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɓɛ́ m̀ ké m̀ ɖɛ mu. Nì hwìɖǐǐ-taɓa-taɓaɔ̀ ɖǎ m̀ dyi kánáìn.”

Ɔ jǔ ké ɔ dyi m̀ nàmàǔn-bũ̌-nyùìn-kpà mɛ̀nɛ̌ìn-sɔ̃́ nyu ɓó wé dyúáɖò xwíníín, ké ɔ dyi m̀ gbo dyi ti séín, ké ɔ dyiɛ cɛ̃ kà ɔ kpá wìǐn nyɛɛ ní, nìí, m̀ mɛ zĩ̀ìn ɔ nàmàǔnɔ̀ kɔ̃in.”

Ti ɓɛ́ waà nyɔ dyúáɖò dyéɛ ma kà ɔ ɖǎ ma dyi kánáa, ɔ kɔ́ìn ma ɖe, ké ɔ kpa ma Gèɖèpɔ́ɔ̀ ɓàìn ɖé wuɖu zoo mú. Ɔ mu, ké ɔ ɓùɖùìn ma ɓó Jízɛ̀ ɓo zɔ̃̌, ké ɔ po ma ɔ zùo. Ɔ mɔ̀ ma Sɛ̀mɛ́ɖìà-nyɔ̀.

Ɓě mɛ màìn ɓě mìɔùn mú. “Nì ɖíí Kɛ́ɖɛ́ì ɖeín-sí-nyɔ̀ ɖò dyi nàmàǔn nyuín, m̀ mɛ po ɔ náún. Ɔ jǔ ké ɔ dyi wìǐn kpá ní, nìí, m̀ mɛ zĩ̀ìn ɔ nàmàǔnɔ̀ kɔ̃in.

Ké Jízɛ̀ ɖá, “Má, ɓě nyɔ-kpò ɓaɖa-bùè mɔ̀ nyɔ kánáɔ́ kà dyiɛ̀e? Dɛ̌ nyɔ-kpò mɛ̀nɛ̌ìn-hĩinyɛ tɔ̀ɔ̀ nìɛ́?

Ké Bounɓoɔ̀ ɖá, “Ɔ jǔ ké ɓě dyiɔ́ hwìɖǐǐ-taɓa-taɓa ɓɛ́ ɔ kè dyɛ̀ɛ̀-dyùà ɓɛ́ìn nyɛɛ ɓéɖé ní, nìí, ɓě ɓɛ́ìn síkímɔ̀-cù nìà kɛ gbo cɛ̃ɛ, ɓɛ́ ɓě ké níiń, ‘Sɔ̀ hwuɖu, ɓɛ́ m̀ ké m̀ mìɔùn dyóóɔ̀ kɔ̃ ɓá,’ ké ɔ mu ɓěɛ̀ wuɖuɔ̀ nyuùn.

Nyɔ mɔ̀ nyɔ ɓɛ́ ɔ vɔ̃ ɓɛ́ ɔ ké ɔ fɛ̀ɛ̀ɔ̀ póìn nyɛɛ, ɔ fɛ̀ɛ̀ɔ̀ mu ɔ xwa sɔ̀ùn. Ké nyɔ mɔ̀ nyɔ ɓɛ́ ɔ fɛ̀ɛ̀ɔ̀ mu ɔ xwa sɔ̀ùn wɛ̃ɛ, ɔ muɛ póìn.

Sɔ̀ìn ɓóɛ gboɛɛ, Jízɛ̀ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Ɖɛ ɓě nyu ké nyɔǔn-dyù dyi nàmàǔn mú kpáa, wa ɓéɖé wa ké kpá. Kɛɛ nyɔ mɔ̀ nyɔ nyu ké wa kpáà kɛɛ, gboò-wùɖù nì ɔ kɔ̃. Ɔ muɔ́ dyíin nɔ̀mɔ̀ùn ɓó nyɔɔ̀ bìì, ɓɛ́ wa kéɔ́ ɔ sɔ́ɔ́-kpò vɛ̀nɛ̀ ɖò ɖɔ ɓá, ɓɛ́ wa kéɔ́ ɔ dyóóɔ̀ kɔ̃ po, ké ɔ zi ɓɛ́ ɔ kéɛ nyu ɓɛ́ dyú ɓě nìà kɛ ɖò ké nàmàǔn nyuɛɛ dyí.

Kà ɔ nì ma kà ɖé Nóà nììn tiín nyɛɛ, kǎà ɔ mu nììn ɖé mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ nììn wé ɓěɔ̀ ɓaɖa. Hwɛ̀ ɓɛ́ ní-tòɔ̀ ké ma dyiɛɛ, nyɔǔn ɓě nì ma ɖɛ ɖiɛń, ké wa nì ma náuń, ké gàa kè màa nì ma dyi kpɔ̃ǐn, ké ɔ dyɛ̀ìn ma wé jɛ́ɛ́ kɔ̃̀ xwíníín ɓɛ́ Nóà dyá ma kà méèɔ̀ múɛɛ hwɛ̀. Ké ní-tòɔ̀ dyi ma, ké ɔ ɖáɓá ma nyɔǔn séín nyɛ̀nɛ̀ɛ̀.