פסוקים פופולריים מ- Pewaliana 1

שתפו

Mohawaꞌmo Pueꞌ Ala, “Moromiꞌmo moteruki manusiaꞌ motuntuni lenteTa hei pambiaranTa, hingkeꞌna iohi mokuasaꞌi bouꞌ-bouꞌ i lali tahiꞌ hei tinti-tinti to i raoha hante pinatuwuꞌ to manondoꞌ hei humalekiꞌna duniaꞌ hei hinangkana pinatuwuꞌ i humalekiꞌna duniaꞌ to mendae i woiꞌ.” Pueꞌ Ala mowali manusiaꞌ tiꞌo motuntuni lenteNa hadoduona. Nowalihi tomaꞌani hante towoweꞌe.

Pueꞌ Ala mobarakatihi hei mohawaꞌ pe iohi, “Memuleꞌmokei hante mantambaimo koworiꞌmi, ibuhoꞌimokei duniaꞌ hante ikuasaꞌimokei tiꞌo, mokuasaꞌimokei bouꞌ-bouꞌ i tahiꞌ hei tinti i raoha hei hinangkana pinatuwuꞌ to mendae i woiꞌ.”

Uluꞌana, i tempona Pueꞌ Ala mowali laniꞌ hante woiꞌ

woiꞌ hawaꞌi tene molentea hei hoo, komokorindi mohobiꞌi tahiꞌ to koroba, hei Inohaꞌ Mangkolehina Pueꞌ Ala memomaro-maro i womboꞌ uwai.

Notiꞌi Pueꞌ Ala, “Mewalimo mobaro.” Katoꞌo komobaro tiꞌo mewalimo mpuꞌu.

Katoꞌo Pueꞌ Ala mapeꞌele hinangkana to Nowalimo tiꞌo, Pueꞌ Ala motanaꞌ mpololeke mampeꞌele lekiꞌna tiꞌo. Uko wini andomo, iomo ando kaꞌoni.

Pueꞌ Ala motanaꞌ mampeꞌele komobaro tiꞌo, katoꞌo Nokaꞌamo komobaro tiꞌo ka komokorindi.

Mohawaꞌmo Pueꞌ Ala, “Ele, Aku mampaꞌanimokei hinangkana huꞌa-huꞌa to mowuaꞌ, i humanele woiꞌ hei lekiꞌna loti to mowuaꞌ, iomo to hingkiꞌ mewali pangkami.

Pueꞌ Ala mangkokeneꞌi komobaro tiꞌo ando, hei komokorindi tiꞌo wini. Uko wini andomo, iomo ando kaꞌisaꞌ.

Mohawaꞌmo Pueꞌ Ala, “Mewalimo halangkaꞌ to mohida uwai hante uwai.”

Angkana pe hinangkana pinatuwuꞌ i duniaꞌ hei hinangkana tinti i raoha hei hinangkana to mendae i duniaꞌ to meꞌinohaꞌ, Kupaꞌani hinangkana huꞌa-huꞌa to tuwuꞌ momataꞌ mewali pangkara.” Hei mewalimo watoꞌo.

Mohawaꞌmo Pueꞌ Ala, “Mewalimo lekiꞌna to mewanta i laniꞌ to mampotaniꞌ ando hei winina. Hinamo hapo-hapo to mewanta tiꞌo mewali tandaꞌ tempo-tempo pepotinto ando-ando hei toꞌa-toꞌa

Mohawaꞌmo Pueꞌ Ala, “Hinamo woiꞌ mampopelua hinangkana hapo to tuwuꞌ, huꞌa-huꞌa to mowuaꞌ, hinangkana loti, hinangkana wuaꞌ to molamuꞌ, hingkeꞌna uwaꞌ to tuwuꞌ i woiꞌ.” Hei mewalimo watoꞌo.

Katoꞌo Pueꞌ Ala mokaꞌa uwai to uwaꞌ i luaꞌna hei to uwaꞌ i womboꞌna, hei mewalimo mpuꞌu watoꞌo.

Woiꞌ tiꞌo mampotuwuꞌ timbeꞌ-timbeꞌ to moleaꞌ, hinangkana huꞌa-huꞌa to molamuꞌ hei hinangkana loti to mowuaꞌ to molamuꞌ. Pueꞌ Ala motanaꞌ mampeꞌele lekiꞌna tiꞌo.

Hatoꞌomo Pueꞌ Ala mowali meroꞌonu to mewanta to kodeꞌ tiꞌo, iomo to kokodeꞌ mokuasaꞌi andona hei to kokiuꞌ mokuasaꞌi wini, hei Nopopewali woꞌo betueꞌ-betueꞌ.

Mohawaꞌmo Pueꞌ Ala, “Hinamo lekiꞌna uwai to i luaꞌna laniꞌ mampohamoloꞌ i haꞌanu mpeꞌohaꞌa, horiana mombahamo lerine.” Hei watoꞌomo pewaline. Katoꞌo Pueꞌ Ala mangkokeneꞌi to mobani tiꞌo lerina, hei porampua uwai tiꞌo Nokokeneꞌi tahiꞌ. Pueꞌ Ala motanaꞌ mampeꞌele lekiꞌna tiꞌo.

Katoꞌo Pueꞌ Ala mobarakati lekiꞌna tiꞌo hei mantiꞌi, “Membiaꞌmokei hante tetambaimokei hei mobuhoꞌi uwai i lali tahiꞌ, hei hinamo tinti-tinti i duniaꞌ terononihi koworiꞌne.”

Mohawaꞌmo Pueꞌ Ala, “Hinamo duniaꞌ buhaꞌ hante hinangkana pinatuwuꞌ to tuwuꞌ, pinatuwuꞌ to manondoꞌ hei pinatuwuꞌ to mendae, hei hinangkana pinatuwuꞌ to moꞌilo.” Hei mewalimo watoꞌo.

Mohawaꞌmo Pueꞌ Ala, “Hinamo i lali uwai kolompelamituꞌa hinangkana to tuwuꞌ, hei hinamo tinti kolompelokaha i raoha.”

Pueꞌ Alaꞌ mowali hinangkana pinatuwuꞌ to moꞌilo hei hinangkana pinatuwuꞌ to manondoꞌ hei hinangkana pinatuwuꞌ to mendae i womboꞌ duniaꞌ. Pueꞌ Ala motanaꞌ mampeꞌele lekiꞌna tiꞌo.