פסוקים פופולריים מ- YOHANES 3

שתף

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

Intau inta mopirisaya kon i-Nia in diábí hukumon. Táe intau inta diá mopirisaya in hukumondon i Allah, sin diá mopirisaya kon i Adí-Nea inta tuḷong.

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

Kawasa-Nea in mustidon kodugang-kodugang bo akuoi in kointok-kointokdon.”

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

Bo ná doman ki Musa inta nopoponik in uḷag tambaga kon pangkoi in kayu kon padang gurun, dá natua doman in ki Adí Intau musti poḷantudon

Ki Amá motabi kon i Adí-Nea, bo pinosarakan-Neadon bayongan in kawasa-Nea kon i-Nia.