פסוקים פופולריים מ- YOHANES 14

שתף

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

Api bae de megong periteak-Ku ngen kemerjone, siba de kemasiak Uku! Api bae de kemasiak Uku, si bakea kenasiak Bak-Ku ngen Uku kulo bakea kemasiak si ngen bakea melei namen dirai-Ku ngen si.”

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne. Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

Jano bae de udi minoi lem gen-Ku, Uku bakea kemerjone, supayo Bak nujai lem Anok. Amen udi minoi sesuaktau ngen Uku lem gen-Ku, Uku bakea kemerjono.”

“Amen udi kemasiak Uku, udi bakea temotoa kute periteak-Ku.

Neak umeak Bak-Ku dau penan tinggea. Amen coa awei ipe, paset uku madeakne ngen nu. Sebab Uku lalau moi di utuk semiyap penan utuknu.

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

Nadeak Tomas ngen Yesus, “Tuhan, keme coa namen moi ipe Ko lalau; awei ipe keme namen dalen moi mindi?”