פסוקים פופולריים מ- Thangambere 17

שתף

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Kadok nyingi de jubilwong’o Abram kendo ngo, ento nyingi bibedo Ibrahim; kum akethi ni weg udul mi thek.

Man abiketho lembariba para m’i kindwa wakudi ucungi man ku kodhini yo ng’eii cil kum dhanum’utuk migi ni lembariba mi nja, kara abed ni Mungu iri man ni kodhini yo ng’eii.

Ento an, nen, lembariba para ni kudi, man ibibedo weg udul mi thek.

Man Mungu wacu kumae, Ungo, ento Sara ma dhaku peri binyolo iri nyathin ma nico: man ibilwong’o nyinge Isak: man abiketho lembariba para ma kude ucung ni lembariba mi nja ni kodhine yo ng’eye.

Man abimio iri ng’om mir umondo peri, ma en e ng’om Kanan ceke, ni piny mi nja, man ni kodhini yo ng’eii; man abibedo Mungu migi.

E Ibrahim ulund upodho arieba wang’e, man eng’iero, man ewacu i adundene kumae, Nyathin binyole ni ng’atu ma rundi pare daki? man Sara, ma rundi pare pier abung’wen, binyoli?

Man Mungu wacu ni Ibrahim kumae, Sarai, ma dhaku peri, ibilwong’o nyinge Sarai ngo, ento nyinge bibedo Sara.

Man wubitimo yaa i ring’kum mi dendkumwu: man ebibedo giranyutha mi lembariba ma ni i kindwa wakudu.

Ento lembariba para abiketho cungo ni kum Isak, ma Sara binyolo iri karunyoni rundi ma cen.

Man ng’atu ma ceng’ pare doko abora jubitimo yaa i kume i kindwu, ku ba dhanu ceke ma co cil kum dhanum’utuk mu, ng’atu ma junyolo i ot, kadi ma jung’iewe ku sente ba jawirok moko ma en e kodhiwu ngo. Ng’atu ma junyolo i ot peri, man ng’atu ma jung’iewe ku sente peri, jubikotimo yaa i kume be: man lembariba para bibedo i ring’kumwu ni lembariba mi nja.