פסוקים פופולריים מ- Juan 1

שתף

Jabo o judiro̧ jiadadëa̧diro̧jo̧ȩ. Ba chia daea̧diro̧jo̧ȩ. Quëna̧diro̧jo̧ȩ. Ado pio ji̧ri̧iäpȩmo̧ Ütë tjamo̧ ja̧ u̧ri̧pe bagarea̧ yürürëremȩdejȩrȩ pio jȩaiäpȩmo̧ quëna̧ji̧ri̧ oa.

Pearä judiräri ja̧, jabë dabu decjiarä Ma̧ȩ quȩmȩ pio judi cjiarëremȩde. Ütë tjamo̧ pio ju̧i̧ nö̧ta cjiarëremȩde. Jabechji̧ Ma̧ȩ quȩmȩ pio judiborë Ütë tjamo̧de.

Jabechji̧ bagönȩ tjomi̧ daräpȩ ju̧ri̧ goae tarari̧ tatami̧ dari̧ cjiade. Ado bagönȩmi̧ da üdë tatami̧ damȩ pio ju̧i̧ boarea̧mi̧dëdejȩ. Jabechji̧ chö̧räparea̧mi̧dëri̧ cjiade.

Ma̧ȩ quȩmȩ pio judi pumȩpe bagarëremȩde. Icjara chiamȩpe järëremȩde. Ado ibëa̧ chjarerä cjo̧ro̧rera̧pea̧de. Ado ibëa̧ chjarerä cjo̧ro̧mȩ oa irä darëreji̧ri̧rea̧ro̧jo̧ȩ jibëa̧ chjacjiamȩrea̧ pio ju̧i̧. Tjamo̧ davä. Jibëa̧ jauëcharea̧ oa daea̧rea̧ro̧jo̧ȩ, a̧dë chjäte tatari̧ cjiamȩ oa. Danȩrȩ, Ama̧i̧ Ütë judi Joja pio ju̧i̧mo̧i̧ ëbarëremȩdejȩ cja̧rȩmȩ oa. Ado pio ju̧i̧ ja̧ chjacjiamȩrea̧ pio ju̧i̧ darëreji̧ri̧rea̧ro̧jo̧ȩ ji̧dë ma cjäri̧ri̧ cjiamȩrȩ a̧domȩ ju̧i̧, ji̧dë ma tjamo̧i̧ cjiari̧ ni̧bämȩ ju̧i̧.

Ado Ma̧ȩ quȩmȩ pio ju̧i̧iä chjö̧na̧i̧ oa pareaparëremȩde Ütë tjamo̧ judi. Jabechji̧ pio judi pareapadëa̧rä judi, eami̧ti̧ üdë cjiadë matäremȩde. Eami̧ cjo̧ro̧mȩ üdë cjo̧ro̧rea̧ chiadëtäremȩde. Jabechji̧ cjo̧ro̧rea̧ yürümȩ pio judide. Pio ju̧i̧iämo̧i̧ taruparëremȩde cjo̧ro̧rea̧ üdë. Ado cjo̧ro̧rea̧ yürümȩ pio judi tatami̧ darä jo̧rȩtarea̧ yürümȩde pumȩ ütëbo ja̧ oa.

Ja̧dëa ji̧ dopea̧rä Juan judi darëremȩdejȩ Jechu ju̧i̧ pio jȩaiäpȩmo̧ jana̧mȩ oa. Ado pio ju̧i̧ damȩrȩ ja̧di tärëri̧ yo̧rëremȩdejȩrȩ pumȩ ji̧ri̧: —Dachji̧jo̧ȩ —yo̧a̧dejȩrȩ—. Pio yüdëje Ütë tjamo̧ ja̧ oveja pëi̧ chjami̧ dade. Jabechji̧ Ütë tjamo̧ judi chjadürëremȩdejȩ ovejami̧ dari̧ ja̧bopea̧ oa, pumȩ judiro̧ chjai̧dëri̧ japea̧ üdë duridëparȩa̧ oa cjiapea̧ oa. Dachji̧jo̧ȩ —yo̧a̧dejȩrȩ—.

Jabo cjäri̧ madiro̧jo̧ȩ, tatami̧ damȩ pio judi pio yoa chirirä cjiaräbo, Ütë tjamo̧ judi pio ju̧i̧iä chjö̧na̧i̧däräti̧ oa pareapea̧räbo, jabechji̧ pio yoa chirirä cjo̧ro̧ji̧ri̧ judiro̧ quëna̧ dadëa̧diro̧jo̧ȩ. ‘Pio judidida’ quëna̧ dadërëreji̧ri̧diro̧jo̧ȩ. Jabechji̧ jibëa̧ chiriräpȩ cjo̧rera̧pea̧räbo, jibëa̧ pumȩ charerä cjo̧rera̧pea̧räbo, jiadarëreji̧ri̧diro̧jo̧ȩ.

Ado tatami̧ damȩ judi, jabechji̧ tjamo̧i̧ cjiari̧ tatamȩ pio judide. Pio yoa chirirä ma̧na̧rëremȩde pumȩ ütëbodärä oa tatarä jo̧rȩta tänȩmi̧ dari̧ japapea̧ oa.

Danȩrȩ, Ütë tjamo̧ judi Moiche pio ju̧i̧iä tüdüa̧mi̧ darä cjo̧ro̧pea̧ ma̧ȩ pio ju̧i̧ yürürëremȩdiibe. Jabo Jechu pio ju̧i̧iä ji̧dë u̧i̧ chja̧dë oa yürürëremȩdiibe. Jabechji̧ cjäri̧ri̧ cjiamȩrȩ a̧dorea̧ pio ju̧i̧ yürüdiibe, tjamo̧i̧ cjiari̧ quëna̧rea̧ pio ju̧i̧bo.