פסוקים פופולריים מ- Juan 8

שתף

Ado Jechu judi yo̧mȩrȩ ni̧bärëremȩdejȩrȩ pjaricheo pio ji̧ri̧iäpȩmo̧. —Danȩrȩ, chiri nö̧tai̧ oa cjo̧ro̧ji̧ri̧ pio ji̧ri̧ tatami̧ darä jo̧rȩta tänȩmȩrequede —yo̧a̧dejȩrȩ—. Jabechji̧ pio coa nö̧ta ëba tai̧mȩ judi bagönȩmi̧ darä cjo̧ro̧dëpade, jabo tatami̧ darä jo̧rȩtamȩrȩ cjo̧ro̧pade, goae tarari̧ cjo̧ro̧rea̧ chiape järi̧ —yo̧a̧dejȩrȩ.

Ado ta̧rëdiäa̧ oaiä, jabechji̧ Ütë tjamo̧ pio judiri ma̧na̧mȩ ma̧ȩ coëma oa dabarea̧ dapanȩrȩ. Ado pio jiro ma̧ȩ oa urëdi oa jo̧rȩtaji̧ri̧rȩ cjo̧ro̧ro, jabechji̧ jare chjadüa̧ oa cjiami̧ dari̧ cjiapanȩrȩ, mu̧i̧tjoi̧dëpe bagari̧ —yo̧a̧dejȩrȩ.

Ado pio jȩaiäpȩmo̧ quëna̧ji̧ri̧ judio pio ji̧ri̧iäpȩmo̧ yo̧mȩrȩ ni̧bärëremȩdejȩrȩ Jechu judi: —Danȩrȩ mȩnȩro̧, cüdë a̧ra̧ano̧a̧ ma̧ȩrä ji̧dë ma ta̧rëdiärä judi, ca̧ jadü tjamo̧parenȩrȩ —yo̧a̧dejȩrȩ—.

Ado pio ju̧i̧iä yo̧requededibe —yo̧a̧dejȩrȩ—. Ja tjamo̧ judi dibë jare chjadüa̧ oa cjiami̧ dari̧ japarä judi, jabechji̧ tjamo̧ri̧ jare chjadüa̧ oa cjiami̧ dari̧ cjiadiäpanȩrȩ bucho ana̧, bë ano̧mȩ ja̧ u̧ri̧ maearë cjiadiäri̧.

Ado judi daburo go̧ȩpea̧ nö̧ta, iëno̧ë iëno̧ ta̧rë chjaorëreji̧ri̧diro̧jo̧ȩ. Ja̧dëa̧ ji̧ ado chjereno̧ cjitë ëte, dëbë yo̧a̧dejȩrȩ: —Danȩrȩ, ji̧ra̧nȩrȩ mȩnȩro̧. Jabo üi̧ üdë, cja̧rȩmȩ co chjai̧dëri̧ japadëa̧mȩ pio judi tarupatäde iei̧ pio ji̧iäpȩmo̧ ta̧dëra̧ ae ja̧bo tänȩpea̧ ji̧ —yo̧a̧dejȩrȩ.

Jabo Jechu judi dëbë yo̧a̧dejȩrȩ: —Danȩrȩ, tjamo̧i̧ cjiari̧ yo̧requededibe. Eami̧ pumȩ üdë chjai̧dë oa japamȩ judi, jabechji̧ chjai̧dë ja̧ mu̧i̧tjoi̧de —yo̧a̧dejȩrȩ—.

Ado Jechu judi cjitëmȩrȩ yo̧a̧dejȩ: —¿Tjana̧räpȩdiro̧ pio mȩa aechide yo̧ji̧ri̧ judiro̧? —iëno̧ë ta̧rëa̧dejȩ—. ¿Cja̧rȩmȩrȩ cjiadiädëa̧di mȩa bape chjaopamȩ judi? —iëno̧ë ta̧rëa̧dejȩ. Ado iei̧ jini̧ dëbë yo̧a̧nȩjȩ: —Cjäri̧ madirȩ ca̧ Ano̧mȩ, cja̧rȩmȩrȩ cjiadiädëa̧de coa bape chjaopamȩ üdë. Ado ja̧dëa ji̧ Jechu judi yo̧a̧dejȩ: —Damȩ, pio cüdëborë bape chjaodëpacama̧. Jabechji̧ baäje. Jabo pio yaba̧ domȩri ja̧ chjai̧dë oa japadëje —yo̧mȩrȩ yo̧rëremȩdejȩ iei̧ ji̧.