פסוקים פופולריים מ- MI CILIMA 1

שתף

Lanwani U Tienu den yedi: «Tin tagi o nilo ti yaa nannanli nni, nani tinba n tie maama, ke wan diedi mi ñincianma jami leni tanpoli bonyugiditi leni ki tinga nni yandi kuli leni yaa bonbalinkaala n balini ki tinga nni kuli.» U Tienu den tagi o nilo o yaa nannanli nni, O den tagi o wani U Tienu yaa nannanli nni, O den tagi ja leni pua.

U Tienu den seligi ba. U Tienu den yedi ba: «Yin yaa maa a bila ki pugidi ki go gbieni ki tinga ki diedi ga. Yin diedi mi ñincianma nni jami leni tanpoli yaa bonyugiditi leni yaa bonfuoda n balini ki ye ki tinga nni kuli.»

Hali mi cilima, U Tienu den tagi tanpoli leni ki tinga.

Ki tinga den tie tinfanga ki tie bonkuonga. Li * biigili den ye u * kulu yuli po. U Tienu Fuoma den lengidi u ñingbanu po.

U Tienu den yedi: «Mi yenma n yaa ye!» Mi yenma den tieni.

Li den tua yeni. U Tienu den laa wan den tagi yaala kuli ke li ŋani hali boncianla. Ku yenjuogu leni ku tiŋaagu den ye lani n den tua li daluobili.

U Tienu den laa ke mi yenma ŋani, U Tienu den paadi mi yenma leni li biigili.

U Tienu den yedi: «N puni yi yaa moabuolu n luoni kuli ki pia i bonbi ki ye u tingbanu po kuli leni yaa tibuolu n luoni kuli ki pia i bonbi, lankuli n tua yi bonjekaala.

U Tienu den cili mi yenma yaa yeli u yensiinu, li biigili mo yaa yeli ku ñiagu. Ku yenjuogu leni ku tiŋaagu den ye, lani n den tua li dakpiali.

U Tienu den yedi: «Mi fanma n yaa ye mi ñima yaa siiga nni ke lan paadi mi ñima leni mi yama.»

N puni yaa yandi n ye ki tinga nni kuli leni yaa bonyugiditi n ye tanpoli kuli leni yaa bonfuodila n balini ki tinga nni kuli, n puni ba yaa bonsoangila n pudi ki tinga nni kuli lan yaa tie bipo mi jiema.»

U Tienu den yedi: «Mi yenma buoli n yendi ki yaa ye tanpoli yaa fanma nni ki paadi u yensiinu leni ku ñiagu ki yaa tie sinankeeninba ki waani i yogini leni a dana leni a bina.

Lani n pendi U Tienu den yedi: «Li bonsoangila buoli kuli n yaa ye u tingbanu po. Ti muadi n yaa pia yaa bonbi n baa pudi, tibuolu kuli mo n yaa pia yaa bonbi n baa pudi.» Li den tua yeni.

U Tienu den tagi mi fanma ki paadi yaa ñima n den ye mi fanma yaa tanpoli leni yaa ñima n den ye mi fanma tiipo. Li den tua yeni.

Li bonsoangila buolu kuli den pudi, ki tinga nni muadi kuli den loni ti bonbi nani ti buolu n tie maama. Yeni moko, i tiidi den loni i bonluonkaala ki pia li niinni i bonbi nani i buolu n tie maama. U Tienu den laa ke li ŋani.

U Tienu den tagi mi yencianma buoli lie. Yaama n yaba ki cie mi yama den diedi u yensiinu. Yaama n den wa ki cie mi yama mo den diedi ku ñiagu. O go den tagi a ŋmabila moko.

U Tienu den yedi: «Yaa ñima n ye tanpoli yaa tiipo n taani kaanyendu ke ki tinkuonga n yaa ye.» Li den tua yeni. U Tienu den cili ki tinkuonga yaa yeli ki tinga, ki cili mi ñintaankaama yeni yaa yeli mo mi ñincianma. U Tienu den laa ke li ŋani.

U Tienu den seligi ba ki yedi: «Yin yaa maa a bila ki pugidi ki gbieni mi ñincianma, ti bonyugiditi n yaa pugidi ki tinga nni.»

U Tienu den yedi: «A bonfuoda n gbie ki tinga nni nani bi buoli n tie maama: ti denyandi, li bonbalinkaala, ti moayandi nani bi buolu n tie maama.» Li den tua yeni.

U Tienu den yedi: «Mi ñima n gbie leni bonfuodibuoli kuli, ti bonyugiditi mo n yaa yugi ki tinga nni hali tanpoli yaa fanma nni.»

U Tienu den tagi ki tinga yaa moayandi nani ti buoli n tie maama, ti denyandi nani ti buoli n tie maama leni ki tinga bonbalinkaala kuli nani li buoli n tie maama. U Tienu den laa ke li ŋani.