פסוקים פופולריים מ- Bo Bolɛ 28

שתף

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Kɛ Zakɔb tinngeli'n, i waan: «Yoo! Anannganman o wa yɛ n si-man sɔ-ɔ!»

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n, sɛ n sa n sin m ba mín si i awlo klanman'n, n ´fa Anannganman n ´yo min Nyanmiɛn. Yɛbuɛ nga n tɛkɛli i yɛ'n ɔ ´kaci Nyanmiɛn i sɔwlɛ, yɛ like kwlaa ng'ɔ man min'n n ´fɛ i blusu'n m ´mɛn i.»

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Ɔ flɛli lika sɔ'n kɛ Betɛl, sanngɛ laa be flɛ lika sɔ'n kɛ Liz.