פסוקים פופולריים מ- YOHANE 15

שתף

“Inyi nyi msabibu nanyo mukawa nyi maṟamba hafo. Ichu akulungye na inyi na inyi ngawekulunga nao nyio awa mowika ndunda tsifoi. Tare nyio inyi moidima iwuta kindopfo.

Kyekaenyi-ho mochilungana na inyi na inyi njiwekaa-ho njilunganyi nanyo. Kikawa chando iṟamba lilechidima iwika ndunda lii kyanya kyalyo lilakulungye na msabibu, nanyo na wudo da mochiidama iwika ndunda mulakulungye na inyipfo.”

Kokoya mokaa-ho kiidi kyako inyi na madedo ho hako kokoya mokaa naho ipfo mrimenyi yanu, orio kindo moterewa mochiinengo.

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

Ma kuwode ikunda lyiidye mndu lyechiota ili lya mndu areka moo foke kimaduma kya mbuya tsakepfo.

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

Iwawaso lyako lyo likeri liile, kekundanenyi muweni na wenyi chando njilewemukunda nyo.

Wande oko naing'anyisho kokoya mokumbia ndunda tsifoi na iwa wa kiloshionyi kyako.

“Inyi nyii msabibu fo lohi na Wande chu oko ai mndemi.

Mndu oose kada alakaa kiidi kyako o echikumbo kuleshe cha ṟamba lilawika lyikakumbo nja lyikawa mlalambodi. Wandu wakahasanya handu hamu wakahakumba modonyi hakakoṟo.

Ngamemuwia isho kundu msiha fu foko fukae ipfo mrimenyi yanu, na masiha fu fonu fuwe fui na mweena.

Kokoya moringa mawawaso ho hako nalyong'u mochikaa mukuwode na ikunda lyo lyako. Chando na inyi njileringa mawawaso ha Wande chu oko ngawekaa njikuwode na ikunda lyo lyake.

Iki ngambawasa nyi kiile, kekundanenyi muwenyi na wenyi.

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.