פסוקים פופולריים מ- LUKA 9

שתף

Kawuya iwia wose, “Mndu akundi yawishana na inyi, nakukane amonyi, nakudikie msalaba foke nache injiosha-ng'u.

Kipfa ichu akundi iletsa moo foke nyi echifudetsa; na ichu echidetsa moo foke kipfa kyako inyi, nyi echifukiṟa.

Na Yesu kambia, “Ma mndu amelesha owoko loke kawada kumbi lyedema na mbe, kawuya yambuya numa, nechikaa nasumhane ipfo wumanginyi wo Ruwapfo.”

A mndu nyi kiki echiira-ho kya wowina woke kokoya nyi awinya wuyana-wu wose wukawa woke, nao kakudetsia-ho amonyi kawichuṟa mrima foke?

Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

Na Yesu kambia, “Mapaara nyi hawode mruma, na shilehe shikawewada sungu, indi Mana o mndu awode handu helaṟa mdo fokefo.”

Kawawia, “Mndu kaambia kimana-ki kui rina lyako, nyi inyi anjiambia; na monjiambia inyi, nyi aambia ichu anjiidumie; kipfa ichu ai mtutu onu kamunyiia, nyio sa ang'anyi.”