פסוקים פופולריים מ- Juan 12

שתף

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Bꞌa krĩñaba mʉ kꞌarea beu ẽãrã aduaya, mawũãmina naʉ̃ ẽjũãne bꞌa krĩña ẽkĩrãkꞌa mʉ kꞌarea beubʉrʉra Daizeze ũme bꞌai jõ ẽã bꞌaya.

Mʉã wãrĩnu marãã jaraya, trigo ta egorodꞌe ubudata pãwãrãĩta beu ẽbʉrʉ abꞌabai bꞌaya, mawũãmina pãwãrãĩta beura, waripe bio zauya.

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Mʉ bedꞌeata ũrĩpe aribꞌae ẽãrã mʉãrã kꞌawua o ẽã, mʉrã zhãrã kꞌawua oita ze ẽbasi baera naʉ̃ ẽjũãẽna, awuarabʉrʉ mʉrã zesia zhãrã ẽdrʉbigaita ẽjũãne bꞌeta.

Maríabara kera nardo izhiawa kiruta botelladꞌe nʉmʉta ne ʉ̃tʉta jiraedape weasia Jesús jẽrũne, mobe izhi budꞌaba põãsã jaresia, aramaʉ̃ne dera jõma tũã nʉmesia keraba.

Mawũẽ pãrãrã kiduata tʉdꞌape kĩrãzhu wãsidꞌa, maʉ̃nerã nemi jĩgua mawũãsidꞌa: ¡Daizezera ibia jaradꞌaya! ¡Ibia jaradꞌaya Daizezedꞌeba zebʉrʉra, izhira Rey Israel bꞌedꞌea!

Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.