פסוקים פופולריים מ- Juan 16

שתף

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Mawũãmina Jawurebia wãrãnebemata zebʉrʉdꞌera, marã erunʉmaña Daizezedꞌebema wãrãne. Izhara jara ẽbaya izhikusaudꞌebemata, awuarabʉrʉ jõma jaraya mʉneba ũrĩbʉrʉta, aramaʉ̃ne jõma marãã kꞌawuabiya kꞌãrẽ berabꞌariita.

Wadꞌi marãbara mʉnebara kꞌãrẽ widꞌidꞌa ẽã. Kꞌãrẽ widꞌiudua, mobedꞌeba jidadꞌaya, aramaʉ̃ne marã jipadꞌe sobia bꞌeaya.

Mawũãmina wãrĩnu mʉã marãã jaraya: Marãĩtara biga mʉrã wãĩta, mʉta wã ẽbʉrʉ Kꞌarebara marãma ze ẽã, mawũãmina mʉta wãrã mʉã marãma zokꞌaya Izhi zebʉrʉdꞌera ẽjũãne bꞌea kꞌawuabigaya kꞌazhiruadꞌe bꞌeta, waya mʉrã bedꞌea ne ẽã bꞌʉta, kꞌawuabigaya zhãrã Daizezebara kꞌawua oita.

Aramaʉ̃ kĩrãkꞌa marãsidꞌa kꞌãwũãwedꞌara sopua bꞌea. Mawũãmina mʉã marã wakusa ũdubʉrʉba sobiadꞌaya, mobebaira miõba jãrĩ ẽã marã sobiara. Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Mʉã wãrĩnu marãã jaraya, marã jẽgadꞌaya, sopuadꞌaya, waya mʉnebema ẽãta ẽjũãne bꞌera sobiadꞌaya. Mawũãmina marã sopuadꞌaimina marã sopuara sobia baya.