פסוקים פופולריים מ- Lucas 16

שתף

Iabꞌaʉba ne wĩkata bia ora ne biosidꞌa bia oya. Iabꞌaʉba ne wĩkata bia o ẽbʉrʉ ne biosidꞌa bia o ẽã.

Miõba nezokꞌabara zhibari ũme aribꞌae nʉma bꞌe ẽã. Manebʉrʉ abꞌa jurape abꞌa kʉãgꞌaya, o abꞌa zhi zromane edape abꞌa zhi zroma ẽãne edaya. Aramaʉ̃ kĩrãkꞌa Daizezedꞌebema aribꞌae ẽã platadꞌebemata aribꞌae nʉmʉbara.

Ne biata, platata marãba bia odꞌa ẽbʉrʉ, ¿Daizezebara marãã diaika wãrĩnu ne biata ʉ̃tre nʉmʉrã? Ne izhidꞌeta Daizezeba diadꞌata bia odꞌa ẽbʉrʉ, ¿izhara marãã diaika ʉ̃tre marãĩta erubꞌʉra?

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta ũrĩna ẽbʉrʉ, ĩjãna ẽbaya iabꞌa beudꞌata piradrʉbʉrʉsidꞌa.

Bariduba izhi wũẽrãta ãmape awʉrʉta kꞌãĩbʉrʉra kꞌazhiruata oya. Wũẽrã ãmanapeadꞌata kꞌãĩbʉrʉsidꞌa kꞌazhiruata oya.