פסוקים פופולריים מ- Maatewos 28

שתף

Tanaaf fulaa cufa yaa'aa, gosa cufaa nama kiyya tolchaa; maqaa abbaatiin, ka ilmaatii fi Hafuura Qulqullotiin nama cuuphaa, waan anin isanitti hime cufa akka guuttan warra barsiisaa! Beekaa, haga guyyaa muummeellee anin isan waliin jiraa” isaaniin jedhe.

Yesus warratti dhi'aatee, “Jabeenna cufa, ka lafaa fi gubbaallee, ya natti kennaan.

Ergamaan nadheen taaniin, “Anin akka isaan Yesus ka fannotti fannisan barbaaddan hinbeekaa, hinsodaatinaa! Innii arma hinjiru, yaayyu akkuma jedhee ka'ee koottaa, fulaa reeffa isaa ciifsisan laalaa.

Jennaan Yesus warraan, “Hinsodaatinaa, dhaqaa obbooleeyyan tiyyaan, ‘Galiilaa dhaqaa achitti na argitanii’ jedhaan” jedhe.

Qaallolee gugurdoo fi jaarroleen walwaldeettee mari'attee, horii guddaa warra waraanaatti kennitee, “Jara isaatti halkan, adoo nu rafuu jiruu, dhufee reeffa isaa hate jedhaa biyyatti himaa! Yo hayyuun waan kana dhaga'e, nutti itti himaa, homa tokkoollee hinsodaatinaa” jedhan. Warrii waraanaa kaan horii fudhatee, waan tolchaa jedhaniin tolche. Yihudiin arraallee dubbuma tana dhageettee dhugeeffatti.