פסוקים פופולריים מ- Matthew 2

שתף

Iteghluteng mangteghamun esghaqaat taghnughhaq, naangallu Mary. Segesqughquulluteng maniguqaat. Taagken aqeftaghaateng qelpeghlluki tunquqaat tunusameng: gold‑meng, frankincense‑meng, myrrh‑meng.

Jesus allgeghaqngan Bethlehem‑emi Judea‑melngughmi, Herod umiilgulghii. Allgellghan kingunganeng ighaleqetaaghneng liitkaghllaget asivaghmeng kaatkat Jerusalem‑emun. Aapqughwaaqat, “Naagu taghnughhaq allgelghii umiilgat Jews‑et? Ighaleqetaagha esghaamaaghput asivaghmelluku enkaam manigughyaghtughaqaghput.”

Tawaten umiilgem piyisteng igleghtekat. Esghaghlaataqaat ataasiq taana ighaleqetaaq asivaghmelluku, enkaam elngaatall quyateghllakat. Maligtekaat kenlanga aghuliillghanun taghnughhaam nengan quulngani.

Taagken Kiyaghneghem qavangukun yitkii Herod‑mun uteghnifqiita pisqelluki enkaam aglaqat nunameggnun allatgun tumetgun. Ighaleqetaaghneng liitkaghllaget aghulaqsata, qavangukun Atanghem yaqulgan aliighvikluku Joseph pikaa, “Makelluten taghnughhaqlu naangallu anagutikek Egypt‑mun. Tamaanlleghhaten uteghniisqellemnun kenlanga qayughllak Herod‑em ivaghtesnaqaa taghnughhaq tuqutesnaluku.”