פסוקים פופולריים מ- Nʋnʋgbɩɩ 2

שתף

Pɩɛlö lä a ‑bha anyɩa' nyenyi‑zëkpëa 'mnö ‑yä a yii Laagɔ! Anyɩa' nyɩkpɔ nyɩkpɔ 'ŋʋ 'nyu 'wlu Zozi Klisöö' 'ŋnöö 'mnö. ‑Lɔɔ anyɩa' nyenyii yi cienöɔ, 'nɩ Laagɔ yi'anyɩ ‑kä ʋʋ' Kplɔɔkplɔɔ‑wugɔɔ 'nyɛ.

‑Mä 'cɔcɩnyʋa 'fɩɩn yi bhä 'kɔɔkɔ Zozii' lobho lobhonyʋaa' cɩalɩɩ 'nyukwli poo ‑kää. 'Nɩ wa ‑kʋ bhä nynä bhɛŋwnɩä yä bhelie. Wa lüü bhä 'kʋ, 'nɩ wa bhibhie bhä 'kʋ.

'Nɩ waa' ‑lefɩɩn Kplɔɔkplɔɔ‑wugɔɔ yiwa 'kʋ kwlii 'nɩ wa yi lowu‑wälɩɩ' cilɩ 'kʋ cie. 'Klüü ʋ ŋʋʋ‑ bhlä nyɩkpɔ nyɩkpɔ nëë' nä, ɩmɩ ɔ ci bhɛ.

‑Mä 'kpobhuu ‑bhlo 'kʋ, kplü ‑ghlää ‑laagɔɔ'. Ɩ ‑kʋ bhä nynä dide ‑vʋvɔlʋʋ' kplü 'nɩ ‑bhutuu ‑wa ‑kʋ bhlä 'mnö sä nä, ɩ yiu 'mnö 'kʋ yie. 'Nɩ mɩɩ yi 'kʋ ghlä, ɩ 'wlʋʋ‑ bhä ŋnäŋnä ‑kosumɩɔ. Ɩ ‑dënö ‑dënöɔ 'mʋ 'nɩ ɩ yi nyɩkpɔ nyɩkpɔ 'wlu gɔɔ. 'Nɩ waa' ‑lefɩɩn Kplɔɔkplɔɔ‑wugɔɔ yiwa 'kʋ kwlii 'nɩ wa yi lowu‑wälɩɩ' cilɩ 'kʋ cie. 'Klüü ʋ ŋʋʋ‑ bhlä nyɩkpɔ nyɩkpɔ nëë' nä, ɩmɩ ɔ ci bhɛ.

'Nɩ ylɩɩ 'fɩɩn 'kʋ wa 'ŋʋʋ bhä 'kʋ 'nɩ wa yi Laagɔ‑bhutuu 'Kädʋʋ 'mnö bʋbɔ ‑kää. 'Nɩ waa 'gbüü 'mnö, wa lüü bhä 'kʋ ‑jäkaa 'mnö ɩyä pɔlöwätɛɛ 'sɔ 'mnö. Wa fään bhä Laagɔɔ' 'ŋnu. 'Nɩ 'bhlɩɛ 'mnö nyɩkpaa ‑waa bhä waa' wälɩ. 'Nɩ ylɩɩ 'fɩɩn 'kʋ nä, ‑lʋa Kwlienyɔ sä bhlä ‑lɔɔ nëë' nä, wa 'ŋʋʋ bhä 'cɔcɩnyʋaa' ‑zunɔɔ 'kʋ.

‑Amʋ Laagɔ nä, Zëkpëa bhɩä ‑gbäsɩɩ' 'tänyɩɛ 'mnö, N yi 'naa 'Wugɔɔ 'ylʋzɔkʋnyʋa 'fɩɩn 'kʋ kwlie. Anyɩa 'yuŋwadië ‑yä anyɩa' 'yuŋnʋgbɛnyʋä yi 'naa nüdö ‑sää. Anyɩa' nyëblii wälɩ yiwa 'yii ghlä. 'Nɩ anyɩa' 'kɔgwlɛnyʋa yi 'ylaa ghlä.

Nyɩkpaa' 'fɩɩn‑ ŋoo‑ bhlä Laagɔwälɩɩ 'kʋ nä, kä wa 'jɛnyɩ‑ bhä 'nɩ wa 'wlää‑ bhä waa' ‑kääkäälɩɩ 'fɩɩn 'kʋ. Waa kääkäälɩɩ ‑yä waa' 'nää 'sɔ, wa ŋʋɩ bhä 'kpä, 'nɩ moniee wa ni bhlä nä wa dënɩɛ bhä wamä ‑bhlobhlo pää'. 'Nɩ nyɩkpɔ nyɩkpɔɔ' sɔ ylä bhlä nä, ɔ ni bhä sɔɔ.

‑Lɔɔ' 'tänyɩyɩ 'mnö nä, Nyɩkpɔɔ' lɔɔ ‑ɔ yi lä Kwlienyɔ wälɩ 'pä nä, Ɔmɔɔ‑ 'gä lä ‑lɔɔ nëë' ‑bha.

'Fɩa ‑yä Kwlienyɔɔ' yiylʋʋ 'kä ŋëë nä, 'Ylʋkwädla yi 'cucuu' jɩjlä, 'Nɩ 'cʋʋ yi zamä nynä dolu. Kwlienyɔɔ' yiylʋʋ nä, Ʋ ‑glö ylʋʋ 'kädʋ. Ʋ ‑glö 'klʋagba ylʋʋ.