פסוקים פופולריים מ- Lukö 5

שתף

Ɔ ‑bhɩä lä cilɩ nä kɔ ‑soo Simɔɔ, ɔ lä ‑n 'jloo 'nyiee' daa‑ ‑tlʋ lä 'mʋ nä, ɩyä a 'pä ‑dädaa!

Simɔɔ lä Cɩanyɔ‑, ‑a paa‑ 'sabonö ‑dädö ‑aaa, ‑aa ‑wʋ lʋʋ ‑klä! ‑Mä ‑n yä ylä sɔɔ ci nä, kä n 'kä lä ‑dädaa 'pä. ‑Mä wa paa‑ lä ‑dädaa 'nyiee' nä, wa ‑klä sää zlü ‑bhutukpä. Ɩ ‑kä 'ŋnö nä, ‑dädaa 'ŋätlönöɔ bhɛ.

‑Mä 'tänyɩ kʋ ‑lɔɔ 'nɩ Zozii ‑zigbë ‑gbäsɩɩ nyɩkpɔɔ' bhɔɔ lä ‑kʋ nä, 'nɩ ɔ bhibhie bhä.

Nyɩkpaa' ‑lʋa ‑wanö nʋnʋgbɩ‑ gëë‑ lä 'yi nä, waa' ‑zä nn' ‑wʋ ‑yi, ‑mä gbenyenyinyʋaa' ‑zä n ‑yi lä ‑yä n 'kä gbä wa 'kä gbenyenyii 'mnö ‑bha.

Simɔɔ Pɩɛlö nii‑ lä wälɩɩ 'yi nä, kɔ paa Zozii dëlü ‑kokoowli glu, 'nɩ ɔ yio soo, ɔ lä Kwlienyɔ‑, bheeje ‑mä n ‑glö nyenyinyɔ nä, ‑n ‑sä'ä gwë!

'Nɩ Zozii yiwa soo, ɔ lä nyɩkpaa' ‑lʋa ‑wanö 'yɛkɛɛ‑ 'tɛ lä 'mʋ nä, waa' tää ‑wʋ gwäzönʋnyʋä, ‑mä gupanyʋä, wamää‑ tää lä gwäzönʋnyʋä.

Zozii cii‑ lä sɔɔ nä, 'nɩ wa yi waa' 'gokpüü 'nyikpʋkpʋ 'kʋ ‑lä. ‑Mä wa ‑të ‑lɔɔ waa' bhɛbhɛlɩɩ 'fɩɩn, 'nɩ wa yio 'kʋ 'gë.

Ylʋʋ ‑bhlo 'kʋ, Zozii ‑kʋ bhä 'du ‑bhlogbe 'kʋ, 'nɩ nyɩkpɔɔ' lɔɔ 'zlä 'mɩmɩä bhlä 'kʋ nä, ɔ ‑yi. Ɔ nii‑ lä Zozii 'yi nä, kɔ pɔɔ‑ dëlü ‑kokoowli glu, 'nɩ ɔ yi 'wlu sä glaa. 'Nɩ ɔ yio 'wlu slä, ɔ lä Kwlienyɔ‑, ‑n gä ‑waa nä, ‑n yi mii, 'nɩ ‑n yi'i yamä ‑yä n 'kä kplɔɔ. Ɔ cii‑ lä sɔɔ nä, kä Zozii ‑fä ‑klɔgbä 'yikʋ 'nɩ ɔ yio 'taa. 'Nɩ ɔ yio soo, ɔ lä n ŋoo nynä ‑mä ‑n yamä! Nä, ‑n yamä yɩ! 'Kpobhuu ‑bhlo 'kʋ, 'nɩ 'zlaa yi nyɩkpɔɔ yëku bhɩä.

‑Nɩnɩ 'fɩɩn gbä bhlä nä, kä Zozii' 'ŋnö mʋ bhɛ kpänyɩ. Nä, nyɩkpa ‑bhutukpä 'wlää bhä 'wlu 'kpö 'kpö 'kpö, 'nɩ wa puo bhä 'nyukwlii. 'Nɩ wa yi bhä 'sɩɩ ‑yä ɔ 'kwa yamä.