פסוקים פופולריים מ- পত্থম 35

שתף

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ। যে দেজ্‌ছান্‌ মুই অব্রাহামরে আর ইস্‌হাকরে দুয়োং সে দেজ্‌ছান্‌ মুই তরে দিম। সে দেজ্‌ছান্‌ মুই তঅ পরেদি তঅ বংশর্‌ মানুচ্চুনোরে দিম্‌।”

যঅ, আমি বৈথেলত্‌ যেই। সিয়েনত্‌ মুই গোজেন নাঙে এক্কো ডালিপুজো বানেম্‌ যে মঅ দজাত্‌ সাহায্য গোজ্যে আর আমিঝে মঅ লগে লগে এলঅ।”

যাকোবে পদ্দন-অরামত্তুন্‌ এজানার্‌ পরেদি গোজেনে আরঅ তারে দেগা দিইনে বর্ দিইনে কলঅ, “তর্‌ নাঙান এলঅ যাকোব, মাত্তর্‌ তরে আর্‌ যাকোব বিলিনে ডাগা ন-অবঅ; তঅ নাঙান্‌ অবঅ ইস্রায়েল।” ইয়েন্‌ কোইনে তে তা নাঙান দিলো ইস্রায়েল।

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

ইয়েন পরেদি গোজেনে যাকোবরে কলঅ, “তুই ইক্কিনে বৈথেলত্‌ যেইনে থাক্। তর্‌ ভেই এষৌ কায়-কুরেত্তুন্‌ ধেই যেবার অক্তত যে তঅ লগে দেগা দিয়্যে সে গোজেন নাঙে তুই সিয়েনত্‌ এক্কান্‌ ডালিঘর বানা।”

মাত্তর্‌ রাহেলে মুরি গেলঅ। মুরি যেবার অক্তত্ তে পুয়োবো নাঙান রাগেল বিনোনী (যিয়েনর্ ভেদ্‌তান্ “মঅ দুঘোর্‌ পুয়ো”)। মাত্তর্‌ তা বাপে তা নাঙান্‌ রাগেল বিন্যামীন (যিয়েনর্ ভেদ্‌তান্ ভাগ্যত্তে পুয়ো)।