פסוקים פופולריים מ- Mata 19

שתף

Yesu ke njerefeceŋ, gege: «Kad ndana sə, e ŋgə bay, amaa kad Zlavay sə, fakwan e ŋgey.»

Ara nesey, ac ndah ecew sabay, amaa ac ara nda amta. Da lada sə, ndana a ta vəna jə masa Zlav ta camiya bay.»

Yesu ke vehecen, gege: «Akwar ka jaŋgaw dapa Ɗelewer hay Mavəna sə, aabay geyey? Dapa mezler te jene hay fakwanay Zlav ka lam mawal va ŋgwaz, ke gweɗ, gege: “Mafay ana, mawal a gərda papaŋ va mamaŋ ka ta njah ava ŋgwaza. Ac cuweeney ac ta tərata ara slaw ta vaw amta”.

Amaa Yesu gege: «Megərdec wude hey ece re dek kad vara yey, akwa recen ma bay, afa Wunam ta bay da baymaləvaŋ hay sə, mapa kad ndah masa ac ara eceŋ.»

Yaw, ndana hay gaa masa ac macaaca ana təlam nesey, ac te tərec ka ndah metekweɗ ana. Asaya, ndana hay gaa masa ac metekweɗ ana təlam nesey, ac te tərec ka ndah macaaca ana.»

Nda masa a ta gərda hwaɗ ta way tata, daha aabay, e te gərdec malamaŋ hay, dəmaŋ hay, mamaŋ, papaŋ, wudiya hay, ley tata hay mafay te mezeley aɗaw sə, a ta ŋgat jene hay gaa mafəna nesey ana, a ta ŋgat manjah katar ka midakw.

Yesu ka gwaɗa, gege: «Daha ka wal metər ka nda mapana dapa jene hay fakwanay sə, daɗay, ta husamda jə takaa hay fakwanay, vənecen səlay ana kad maslamarga hay. Ara nesey, ka ta ŋgat zleley maɓəca da baymaləvaŋ. Ava dəɓa ana, dek cəpiyey.»

Yesu ka vahan, gege: «Ke nəkefiyey da yaŋ jə mambəla ana sə, mafay te mey? Mambəla ana sə, pal Zlav aŋga amta. Daha ka wal manjah katar ka midakw, nah yaŋ kad pə ma hay ta ma majawa.»

Asaya, ya gwaɗakwar, ara masa gədaŋ dapa kad zlagumay te mesehw jaka pe veɗ te leper, amaa gədaŋ dapa mafəna ana saya kad nda masa aŋga eve zleley mabay de sehw pa Wunam ta bay ta Zlavay.

Ya gwaɗakwar, daha ndana a mbasana ŋgwaza, gəla ŋgwaz ana ke ŋgek madama aabay, nda ana ka kəs ŋgwaz mekele pa slam ana sə, ŋgesey, ka ŋgə madama.»

Ara nesey, Yesu ke gweɗ ndah masasəraka jene tata, gege: «Eve metehwe ana ya gwaɗakwar gədaŋ dapa kad nda masa aŋga eve zleley de sehw pa Wunam ta bay da baymaləvaŋ hay.»