פסוקים פופולריים מ- युहान्‍ना 17

שתף

इम्बालाइहेङ सत्येसो पबित्तरो पाअ्पि, हाइपालिपानु नाङको बचन सत्ये हि।

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

का इदोइ चात्यागेलाइको भाअ्सिङ खिनिङ प्रार्थाना मापाखा, कालाउ एबालाइकोङ सिक्स्याहोइ पातेङ का ह्रुता खाङधुरि पाकालाइको भाअ्सिङ बुङ का प्रार्थाना पाखा। इम्बालाइ झाराङ ए जेनाको, हे आबा, जेसाङ नाअ् काङकोता हिखेना, कालाउ का बुङ नाङको दोफा हिखा, एसापाङ इम्बालाइ बुङ केलाइता ह्याको, कालाउ नाअ् दोङ कासेहेङ दिङगिल्का दोअ्तेङ सुमिङको द्‍याङगेलाइ खाङधुरि पाको।

इम्बालाइहेङ नाअ् सुमिङसो चुम्पुवाको दोअ्तेङ का प्रार्थाना मापाखा, भरु इम्बालाइहेङ साइतानसो जोगाइतेङ तापिसु।

जेदोङ महिमा नाअ् कासेहेङ पिका हिना, ओदोङ महिमा का बुङ इम्बालाइहेङ पिका हिघा, जेसाङ नाअ् कालाउ का ए जेनाइने एन्साङ पातेङ इम्बालाइ बुङ केलाइ भाइपाङ एनोङ दोङ ज्याको। का इम्बालाइ दोफा कालाउ नाअ् का दोफा हिना। कालाउकि इम्बालाइ पुर्न रितिसो ए जेङलि द्वाको। कालाउ एसासोङ नाअ् दोङ कासेहेङ दिङगिल्का हिना कालाउ कासेहेङ प्रेम पाका भाइपा ओबालाइहेङ बुङ प्रेम पाखे दोअ्तेङ सुमिङको द्‍याङगेलाइ ग्याको।