פסוקים פופולריים מ- St. Maheu 7

שתף

Goulennet, hag e vou reit d’oh; clasquet, ha hui e gavou; scoeit, hag e vou digueoret d’oh.

Rac quement hani e houlenne, e vou reit dehou; hag en hani e glasq e gave; ha d’en hani e sco e vou digueoret.

Rac‐cé pihue‐benac e gleu er péh e laran hag e hra revé mem conzeu, e vou haval doh en dén fur, péhani en dès sàüét é dy arh er roh

Groeit enta d’en dud er péh e garehé e rehènt d’oh: rac‐ino é‐ma el lézen hag er brofæted.

Na enk e en ôr, ha moan en hent e gasse d’er vuhé; ha bout e zou nebed a dud ag e drémen dré ino!

Quêrhet dré en ôr enk, rag ledan e en ôr, hag eon en hent e gasse d’er gollédigueah, ha bout e zou calz ag e ya dré ino

Nezé enta, mar houyet hui, ha hui droug, rein treu mâd d’hou pugalé, peguement muioh hou Tad péhani e zou én Nean ne hrei‐ean treu mâd d’er ré e houlenne di guet hou?

Ne varnet quet, aveid ne vehéh quet barnet. Rac a zoh er varn e varnet e véhet varnet; hag a zoh er muzul er vuzulet, e voú muzulet t’oh.

Mæs quement hani e gleu er péh e laran ha ne hra quet revé mem conzeu, e vou groeit haval d’un dén disquiant péhani en dès sàüét é dy arh en treah

Ha perag e sellet‐hui doh er blouzen én lagad hou vrér, ha ne huélet quet en treust e zou en hou hani? Pé penaus e laret‐hui d’hou prér, Lausquet me lemel er blouzen a ziar hou lagad, ha chetu un treust e zou en hou hani?

Dihoalled doh er fall brofætèd, péré e za tremaoh guet crohen devèd, mæs péré, é guirioné, nen dint meit bleidi lontêc. Hui hou hanàou doh ou obérieu. Ha cherrein e hrér resin diar spern, pe figuès diar dreign?

Peb guéen vad e zougue fréh vad, ha pep guéen fall e zougue fall fréh.

Ur huéen vad ne fehé quet dougue fall fréh, nag ur fall huéen dougue fréh vad.

Ne vern pé guéen ne zougue quet fréh vad, e vou trohet ha taulet én tan.