פסוקים פופולריים מ- মথি 7

שתף

“বি·বো, উনোন না·সংনা হ·ন্নুয়া; সান্দিবো, উনোন না·সং নিকনুয়া; দ·গাও দকথাকবো, উনোন না·সংনা এংএ হ·ন্নুয়া।

বি·গিবা মা·ন্না; সান্দিগিবা নিক্কা; আরো দ·গাও দকথাকগিবানা দ·গা এংএ হ·ন্না।

“উনি গান্দা আগানিংআ, আংনি ইয়া খাৎথারাংখো খিন্নাএ উরাংখো মানিগিবাদে রং·থিনি সাক্কাও নক রিকগিবা বুদ্ধিগ্মাং সাকসা মান্দি গিত্তা দাক্কা।

গিপ্পিন মান্দিরাংচানিখো নাম্মা বেওয়ালখো মা·ন্না হা·ম্মোদে না·সংবা বিসংমুং উয়ানদাক্কে দাকবো। ইয়ান মোশিনি নিয়াম আরো আগানসোগিবারাংনি স্খিয়ানি মিংসংগিবা খাৎথা।

ইন্দিবা জাংগিচানা রা·আংগিবা দ·গা আপচনা, উনি রামাবা আপচনা। উখো বাং·গিজা মান্দিরাংআন সান্দিয়ে মা·ন্না।

“আপচনগিবা দ·গাচল গিত্তা নাপবো, মুয়ানা নামগিজাচানা রা·আংগিবা রামানি দ·গা দা·ল্লা আরো উনি রামাবা আপদালা। উগিত্তা বাং·আ মান্দিরাংআন নাপ্পা।

না·সং নামগিজা হং·এবা আন·থাংনি দেদ্রাংনা নাম্মাখো হ·ন্না হা·আইওদে, ইন্দাকোদে সালগিও দংগিবা না·সংনি ফাচা জেরাং বি·আ বিসংনা বিয়া নাম্মাখোন হ·ন্নুয়া, ইয়াদে খাকখেতান!

“না·সং দা·আ গিপ্পিনরাংনি গ্রোখো রি·ম্মাবো জেদাক্কে না·সংনি গ্রোখোবা রি·ম্মা হং·জা, মুয়ানা জেদাক্কে না·সং গিপ্পিনরাংনি গ্রোখো রি·ম্মা, উয়ানদাক্কে না·সংনি গ্রোখোবা রিম·নুয়া, আরো জেদাক্কে না·সং থয়ে হ·ন্না উয়ানদাক্কেন না·সংখোবা থনুয়া।

আংনি ইয়া খাৎথারাংখো খিন্নাএ উরাংখো মানিজাগিবাদে হান·চেংনি সাক্কাও রিকগিবা সাকসা জাদা মান্দি গিত্তা দাক্কা।

“নাং·নি জংআদানি মিক্রোনও দংগিবা বিসেমসেমখোন নিক্কিংআ, ইন্দিবা আন·থাংনি মিক্রোনও দংগিবা বলথংখো মুয়ানা নিকজাংআ? আন·থাংনি মিক্রোনোন বলথং দংওদে বাদিকে নাং·নি জংআদাখো ইন্দাকে আগানজক, ‘রি·বাবো, নাং·নি মিক্রোননি বিগিনচিখো ওত্তে গাল্লেতনা? বু·এ চা·গিবা!

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা। বিসংনি জাংগিনি বিথিচান না·সং বিসংখো হা·আইনা মা·ন্নুয়া। বুসু চাগিপাও আঙ্গুর বিথি বা শিয়ালকাঁটাও ডুমুর বিথি নাংআমা?

উয়ানদাক্কেন গিম্মিক নামগিবা বিফাংও নামগিবা বিথিন নাংআ আরো নামগিজাগিবা বিফাংও নামগিজাগিবা বিথিন নাংআ।

নামগিবা বিফাংও নামগিজা বিথি আরো নামগিজা বিফাংও নামগিবা বিথি নাংনা মান·জাসা।

নামগিবা বিথি নাংগিজাগিবা বিফাংখো দে·ন্নে ওয়া·আলো গাল্লানি হং·আ।