פסוקים פופולריים מ- योहान 12

שתפו

बोर नावा सेवा कींतन इंतोर, ओर नावा पज्जो ताकना. बारित्‍ते नना बगा मनंतनो, अगा नावा सेवा कियानोरगुडा मना पींता. अल्‍हेने बोर नावा सेवा कींतोर, नावा बाबाल ओन्क कदर हींतोर.

अल्‍हेने, बोरे आयिर! इद दुनियाते ओर ओना जीवातुन पावरम कींतोर, ओर ओना जीवातुन पोळागोटकुंतोर. गानि बोर अय्ते इद दुनियाते ओना जीवाता पर्वा किय्योर, ओर ओना जीवातुन बस्‍केळ्‍क पिस्सना पिस्वरहाटीं कापाळसि इर्रंतोर.

नना निजम-निजम वेहासेक, वंजि पेडे बूमिते अर्सि हासोन्‍नाकोंटे अद उंदे मनंता. गानि अद हासोंचि मोल्का वाते मात्रम पेद्‍दा बेर्सि वेल्‍लेन पेडेकुन तयार कींता.

नापोर्रो विस्वासम इर्रनोर ओर बोरे आयिर, हीकटते मनानायो, इंचि नना इद दुनियाते वेल्‍गुनलेह्का वातन.

बोरे आयिर, ओक्‍कला नावा पोल्‍लें केंजसिगुडा अवुन परकारम ताकाकोंटे, ओना न्‍यायम नना किय्योन. बारित्‍ते नना इद दुनियाते न्‍यायम कियालय वाया हिल्‍लेन, गानि इद दुनियातोर्कुन पिसागोटलय वातन.

अस्‍के मरियम, जटामासि इनना मराता एक्‍को दराता सगोम लीटर अत्‍तर निय तच्‍चि, येसुना काल्कुनपोर्रो वळियता. वळियसि, दाना केल्कुने ओना काल्‍कुन उसुमता. अस्‍के अद नियदा गब्‍बु लोनंता विच्‍चका होत्‍ता.

इंकुंदि रोजु, येसु येरुसलेम वासंतोर इंचि, पंडुगुंक वाता लोकुल्‍कुंक तेळियता अय्ते, वेल्‍लेन मंदि लोकुल्‍क कजूर मराकुना कोम्मना-कोम्मां पीसि ओन्क कलियालय एदुर होत्‍तुर. होंचि, “होसन्‍ना! सामिना पोरोल्ते वायना इस्राएलता राजाना वेल्‍लेन दन्यवाद आयि, जय जोहार!” इंचि मोत्‍कुत्‍तुर.

अस्‍के येसु इल्‍हा वेहालय दल्‍गतोर, “मनकना रूपमते पुटतोन नना, इंदके नावा महिमातुन हुप्‍सना वेला दग्गेर्क एव्ता.