פסוקים פופולריים מ- ลก 12

שתפו

บอ เบ โลว บัร เซเซ. โคว, บอ โอว อี แฮะ แบน ฆอน ดูอี, โอว ดี วี ตัห อาคราว ปี ตู ทาง เบ.”

เบ ยี โลว โฆยวฆยา ดี โบง ดอน โมยว อี แตห เฌาพรา อึบ กาดาย. เซ เบ โบง ปาย ตี, ปี ดี โลว เบ ดอน โมยว, เบ ดี บอ ปึอน โตต ดอน โมยว.

ปัน ตี เฌา เยซู วี ต็อห ดี ดูอี บอกาเฆลียด, “เบ โลว ซาดีก, เบ โลว แวน น็อห ซี ปึอน ดอน โมยว. โกรวกราม ดอน โมยว ตู ปึอน ปีโต็ง อาซาก ดูอี.”

โคว, โดง อูน เบ โกรวกราม เบ, บอ น็อห เบ ดี บอ นัมโหลห โดง ตี เซเซ.”

แดง ตี, อาว มึห อาเซ อี ปึอน โบง แตห อาซาก อัน โต็ง ปอ อึณ ปัว โกบ มึห อัน น็อห กาฮัวะ. อาดา อู นารี มืร, อัน ตู แป ดี ปีโต็ง อาซาก อัน.

วาย อัน ตี เฌา เยซู ต็อห ดี เฆ ดีแบ อัน, “โกบ ปี ต็อห โอว ดี อี เฮา ตึอน, โอว วี ต็อห ดี เบ, แกวะ แตห เบ มึห น็อห กาฮัวะ ลอง อาซาก เบ บอ โดว โบ็ง เบ. แกวะ แตห น็อห เบ กาฮัวะ ลอง ปี ดี โฮม ปี ดี ตา เบ.

อึณ บอ ปาย ตี. เฌาพรา ลึมลา ซีคยา เบ. บอ ฮึก ฆีณ เบ, อึณ ปี เฌาพรา แฮะ ตีห ดอน ณ็อง. แกวะ แตห เบ โยว มาเซ. ง็อห เบ แฮะ ตาง หลึอม มาซีล็อห เฆ กืน.

เบ ยี ปี พึง มาบู ดีแตด. แกวะ แตห เบ โยว มาเซ. เฌาพรา อี มูห ฆูณ เบ แฮะ อึง ดี แตห บอ เบ อึบ มืง ปี อึบ อัน เฌา.

แตห เบ ยอด มากาอัะ. เฆ ตู มึห ดี ซัม มาเซ, แฮะ ฮอต, เฆ ตู วี มึห ดี โซะ มาเซ. เฆ มืร ตู มึห ดี อูน ปี ดี โฮม แคง บูะ โหงว. เฌาพรา ยี เฮียง เฆ. อึณ ยี มูห เบ, ง็อห เบ แฮะ ตาง หลึอม ง็อห มาซีม.

แกวะ แตห เบ มึห น็อห แหม, แกวะ แตห เบ เฌณฌา เซเซ ลอง ปี ดี โฮม ปี ดี ตา เบ.

เปต บอ กอย อาตึร. แคหณา เฆ วี แตห เงา โฮม เปต ตี. เซ เฌาพรา แตห โบห เฆ เปต ชีด แคะ ตี, แตห เบ บอ นับ ซีคยา, อัน เฌา ดี ดัว ครึง ตา ดี เบ หลึอม เปต ตี. อึย เบ ดูอี, เหมา อึณ ปาย ปี หณึม เบ อี แจก แคง น็อห เบ?

ดูอี ตู ปึอน เครียง มาเซ. แคะ ปี กาบีด ดูอี, แกวะ แตห ดูอี ยึร, อึณ ดี วี ลึห ซีคยา, วี แตห ดอน อี ปึอน ดี ยึร. ปี ซี เครียง ดูอี, แกวะ แตห อี เฮา นับ, อู ซีแง อึณ ดี วี ลึห ซีคยา, แตห ดอน อี กอ นับ.