פסוקים פופולריים מ- Matyo 5

שתף

Ka ŋwɔn tse a nchwúʼə ayi nkaʼ nkúbɨ́nə́ nɨ nkagɨ ə; a baŋnə ntɛ́gə́ atú atɛkɨ a nkaʼ, adiʼ wa ɨ ghánɨ́ nkaʼ a mbó ŋwɔn tsum a mu ndá ə. Ndəŋndəŋ, nkaʼ ɨgho tsi nɨ ɨ zagɨ baŋ a ɨshi ɨbɛn, taŋ á bɨ ndzě ɨfaʼ ɨtso tsə shiʼnɨ, ntíʼə mbóntə́ a Ta ɨgho wa a tsinɨ a fɔməbvurə ghe.”

Nɨ tsi lá tso nkaʼ a mu mbyi ɛ. Ntáʼmbagə wu wi wa bɨ korɨnɨ atú a ntáʼ chi keʼ lyɛmtə.

Nɨdorɨ tsi a mbó ɨbɛn ba mɨntəm ɨma fɛmnɨ; bo ghɨ zɛ́n a Ŋwi ə!

Nɨdorɨ tsi a mbó ɨbɛn ba atsum za bo lɔnə a nɨ ngɨ anu za Ŋwi a lɔnə; Ŋwi a ghɨ ghá a za bo lɔnə a mbó bo ghe!

Lá tɨtsɔŋnɨ ma soŋ a mbó bən ngə́, kɔŋnə ngaŋ kɨban ɨtsən nkə́ ntsaʼtɨnə a Ŋwi atú ɨbɛn ba bɨ dɨ́gɨ́nə́ awən

A díʼ awa ngə́, “Nɨdorɨ tsi a mbó ɨbɛn ba bɨ nyɛʼtɨnɨ ɨnu ɨtsa ɨtsum a mu mbó Ŋwi; Nɨfɔ nɨ fɔməbvurə tsi lá a mbó bo ghe!

Nɨdorɨ tsi a mbó ɨbɛn ba bɨ ghɨnɨ mbɔnɨ; bɨ ghɨ tɔ́ŋ awa nɨ ɨbɔ bɨ Ŋwi ə!

Nɨdorɨ tsi a mbó ɨbɛn ba bɨ búgɨ́nə́; Ŋwi a ghɨ lɛ́tɨ́ awa ghe!

Nɨdorɨ tsi a mbó ɨbɛn ba bɨ dɨ́gɨ́nə́ awa mbɨ́ʼ ngə́ bo ghɨ̌ ɨnu tsɨ chinɨnɨ; Nɨfɔ nɨ fɔməbvurə tsi lá a mbó bo ghe!

Nɨdorɨ tsi a mbó ɨbɛn ba bɨ kónə́ a mɨlɨŋnɨ a nye bə mɔʼɔ; Ŋwi a ghɨ kó a mɨlɨŋnɨ ɨwa ghe!

Nɨdorɨ tsi a mbó ɨbɛn ba bɨ zɔmnə awa, ndɨ́gə́ awa nkə́ sǒŋ ɨbə́ŋ ɨnu tsɨ tɔmnɨnɨ ɨtsum a nye bo tsa tsɨ nɨ ɨchwenu mbɨ́ʼ ngə́ bo nɨ ɨbɛn ba bɨ zɔŋnə aghə. A nɨ sáŋnə́ nkɨ ntsi nɨ nɨdorɨ mbɨ́ʼ ngə́ mɨkyaŋnɨ ɨmən mə wi tsi a fɔməbvurə ghe. Nə nɨ adzaŋ za bɨ kɨ́nə́ ndɨ́gɨ́ ntóm Ŋwi tsa tsɨ tsínɨ́ a mbyi bɨŋ ə.”

Nɨdorɨ tsi a mbó ɨbɛn ba bo shíʼtɨ́nə́ nɨ ɨtumbəm ɨtsa a tɨshe; bo ghɨ tsí nɨ za Ŋwi a káʼnɨ́ awa nɨ zɛrə ghe!

“Nɨ tsi lá tso fɨngwáŋ a mbó ŋwɔn mɨsɔŋ a ntsu ə. Lá be fɨngwáŋ tú bɨŋə ləmnə, bɨ chi ghɨ á fɨ bə́ ndəm lá ɨ nə́ le? Ka fɨ bə ntsi ayi nɨ anu za be bɨ bə ngɨ nɨ fɛrə ntsa ngə́ á bɨ nyɛʼ á ɨbɛn ntsǎ ntɛ́mtə́ wu atú ə.

Bən, nɨ tsi nɨ ɨ zagɨ kɔʼ tɛm ngə́ tsáŋ tso mbáʼ ta ɨwən a fɔməbvurə a kɨnɨ nkɨ nkɔʼ ntɛm ngə́ tsáŋ lá!”

A anu atsum za o sóŋnə́ a be ‹E› kə ‹Ngaŋ›; anu atsum za a bənɨ ntsa fəŋ a məzen, a lo a mbó wu Ntɔmnɨnɨ Wa.”

“Nɨ zuʼnə ngə́ bɨ sóŋ ngə́, ‹Be ŋwɔn tse a fɨgɨ nɨdɨgɨ ɨno, á bɨ kɨ fɨgɨ ɨni ɛ, be ŋwɔn tse a tsɔʼ nɨsɔŋ ɨno, á bɨ kɨ ntsɔʼ ɨni ɛ.› Lá tɨtsɔŋnɨ ma soŋ a mbó bən ngə́: koʼ tfútɨ́ mbɔʼ a nye ŋwɔn wa a ghɨnɨ afənu a nye gho ghe. Be ŋwɔn tse a tá nɨghɨʼ ɨno nə maʼə, kɨ mbəŋ a nə ntə́ŋ wəmbo á táə.

Ma lan, be nɨdɨgɨ ɨno nə abó maʼə tintɨ agho ntsagɨ ngə́ o ghɨ ɨbvu, twɛʼ a nɛrə ɨ nyɛʼə! A bɔŋtɨ ngə́ o sam alam a ɨnye azo zə mɔʼɔ ntsatɨ ngə́ á bɨ tintɨ ɨnye ɨzo tsum ntsagɨ a mu ɨmugɨ nɨnkoŋ ə. Be abó azo zə maʼə a tintɨ agho ngə́ o ghɨ ɨbvu, chɛrɨ a zɛrə ɨ nyɛʼə! A bɔŋtɨ ngə́ o sam alam a ɨnye azo zə mɔʼɔ ntsatɨ ngə́ á ɨnye ɨzo tsum ghɛn a mu ɨmugɨ nɨnkoŋ ə.”