פסוקים פופולריים מ- ဒေါ ဂုဝ် 3

שתף

ပန် တီ အီဘိုန့် ဘော ယွတ်၊ အန် မိူဝ် ယိုဝ် ဘ့လေ တီ ဟဲ့ စှိတ်၊ ဟဲ့ မွှိုမ် ဟူမ် ဘော တဲး အန် ကော နပ် တူတ့် ဒွန် မျုဝ်။ အန် မိူဝ် ဒိုဝ်း ဟူမ် ဘ့လေ တီ။ အန် ဟဲ့ ဟွတ့် ဟူမ်၊ အန် ဝီ ဒွါ ဘော အီမာယ် အန် ဟူမ်။

ခဲ့ မိုဝ်း ဂေ ဒုဝ် ဆတ်ဒါဝါ ပဲ့ ဟဲ့ ဘူင် ဇဝ်ဖြာ၊ န့ မိူဝ် မိုဝ်း မာဟန့်၊ အန် လွှက့် လွှိုမ် ဒုဝ် ဟဝ် ဒွန် မျုဝ်။ မာဟန့် တီ ဝီ တး ဒူင် ကွယ် အီဘိုန့်၊ ကာလာင် ဂြုဝ်း ဒီ အီဘိုန့်။ အန် ဒီမွှတ် တဝ်း၊ “ဟဲ့ မှာန်၊ ဇဝ်ဖြာ တူ တဲး ဘာယ် ဟူမ် ဘ့လေ ဟေ ဒွန် မျုဝ် ခဲင် ကာပိုမ် နီ။း”

အုဝ် ဒီ တဲး မဲ ဟန့် ဘဲန် ရန်ဆူ အီဘိုန့်၊ တဲး ဘာယ် လာယ် ဇွင့် ဆေဆေ။ ဂွန် အာမျုဝ် မဲ ဘော ဂွန် အာမျုဝ် အီဘိုန့် တွိုန်၊ ဂါယ် ဒီ လာယ် ကာဂုဝ်း။ ဂွန် အီဘိုန့် တွိုန် ဒီ ကာတိး ဂိန့် မဲ။ မဲ ယီ ဒီ ဇုဝ့် ခါနှုတ့် အန်။”

ဟဲ့ ဟွတ့်၊ အန် ဇဝ် ဝီ ကာလာင် ဒီ အီဘိုန့် တွိုန် တဝ်း၊ “အုဝ် ဒီ တဲး မဲ ခမ် ဒုက် ဒေါ ဒဲ မဲ ဘာဒိက် ဆန်ထေ။ ပန် ဒီ ဂွန် မဲ၊ မဲ ဒီ ခမ် ဆဝ် ကာဆဝ်။ ပီ ဘော ဟဲ့ ပါယ် တီ မဲ နဲ့ အီ ဆီ ပွိုန် အီမာယ်။ အန် ဒီ အိုပ် မဲ။”

မဲ လုဝ် ရန့် ဂါန်၊ တဲး န့ ကော တူတ့် အာဆာက် မဲ။ ဟဲ့ ဟွတ့်၊ မဲ ဒီ ဝီ ဘဲန် ကာဒါယ် ပီ ဒွိုမ် တာ အုဝ် ဒေါ ဘူင် ဘ့လေး အုဝ် ဒီ မဲ။ ဒေါ ဂုဝ် အန်၊ ဒုဝ် မဲ ဟဲ့ မုး ကာဒါယ်။ ခုဝ်၊ မဲ ဒီ ဝီ ဘဲန် ကာဒါယ် ပီ ဘြိမ်။”

ဟဲ့ ဟွတ့်၊ ဇဝ်ဖြာ ဝီ ကာလာင် ဂြုဝ်း ဒီ အီမာယ် တွိုန် အီ စိူဝ် အာဒါမ်။ အန် တဝ်း၊ “မဲ ဟဲ့ ဟွတ့် ထူမ် ဂြုဝ်း အီဘိုန့် မဲ။ မဲ မိူဝ် ဟဲ့ ဟွတ့် ဟူမ် ဘ့လေ ဟေ ပီ တူ တဲး အုဝ် ဘာယ် ဟူမ်။ ခုဝ် အန် တီ၊ အုဝ် ဝီ ဒိူင် ကာဒါယ် ပီ လုဝ် ရန့် မဲ။ ကူပ် ဟဲ့ ဘူင် မဲ မှာပ် တီ၊ မဲ ဒီ လုဝ် ခမ် ဒုက် ဘော ကာဒုး ဒီ ဘူင် မာန် ကိူန် ဇမ် တူတ့် အာဆာက် မဲ။ မဲ လုဝ် ရန့် ဂါန် ကာဆဝ်၊ မဲ ကော ဒီ မိုဝ်း ပီ ဒီ ဟူမ်။

ဇဝ်ဖြာ ဝီ ဒီမွှတ် တဝ်း၊ “အာဆေ ဟဲ့ တဝ်း၊ မဲ ဟဲ့ ဂ့လ။း မဲ ဟဲ့ ဟူမ် ဘ့လေ ပီ တဝ်း အုဝ်၊ ကွဲ့ ဟူမ်။း”

ဇဝ်ဖြာ ဟဲ့ ဟွတ့် ဟုဝ် လေး ဂါယ် ခဲင် ကာပိုမ် တွိုန်၊ အန် စ်ု ဂေ အာမူ အာမာတ် ဇဝ်ဖြာ အီ စိူဝ် ခေရုပ်၊ တဲး ဂေ ကွယ် နာ လေး ဆီငဲ။ ဇဝ်ဖြာ ဘော ဘ့လေး ဘော မာပွါ့ လာင် အန် ဒီ တီ။ မာပွါ့ လာင် တီ န့ ပီ ငဝ်။ န့ ပီ ဘော ပ့လ မ့ပ့လေတ့်။ ပါယ် တီ ဇဝ်ဖြာ တဲး ဂေ ဘ်ု ဟေ အီ ဒွါ အာဆာက်၊ ကွဲ့ တဲး အီ ပွိုန် ဒီ ဟာဝ် ဒူင် ကွယ် ဟေ တီ။

အာဒါမ် တွိုန် ဒါင် အီဘိုန့် အန် စိူဝ် နာင် အေဝါ။ နာင် အေဝါ တွိုန် ဘဲန် မာ ဒင် ဒူအီ အီ ကွယ် ဒဲင် ကာဒါယ်။ စိူဝ် အန် လေး ဆီဖဝ် ပါယ် တီ။