פסוקים פופולריים מ- Mark 12

שתף

Te Iyesu te fe byanen ge, “Lingsenean ge be tamō me fe, “ ‘Buluim ne ōrr Isrrel, mi rongta sene! Yafukon ge mu rru mre, nge nga be mwenangken Yafukon , te nge hobōn nga nge be Yafukon ge mu rru mre. Te lomi eb jejeene Yafukon ge a ge be mwenami Yafukon lon lolomi bonga, te lon mwenami myuran bonga, te lon mwenami rrinrrinan bonga, te lon mwenami helan bonga.’ “Te lingsenean ge be e ru nan me fe, “ ‘Lomi eb jejeene ge nyer ge em ho tiliuti gimi, te emi rrwene e wu ten byane nyer eb yen ge mim rrō rrwene mu wu ten me ne gimi hobōmi.’ “Lingsenean te hu mōn, tōlō rru mre ran lingsenean ge nyerō a.”

Ngate Iyesu te je mwenan vanten nyer me ne nge. Te te fe byane nyer ge, “Mi lhe silna ge a. Nam rrō fe fetinan byane gimi. Sevyaran ge silna ge a mo koōne, mwe saavi sevyaran ge vanten ge nyer ge hilngir mwe lam ho, em koōne, “tebyan ge vanten ge nyer a, em rrō koōne mwenar buverr ge be mwenar sevyaran ge mwe nga ho mwee nga. Te silna ge a, ge hilngin mwe rranga rru, nge mo koō bonga mwenan buverr ge he ne nga myur rru ran.”

Ngate Iyesu te taa rru lon yeo ge te hereere ne imkon ma Yafukon, en ōrr ge err rrō kokoō buverr bya lon siliye ne sevyaran. Nge te rrō lhe vanten nyer ge err rrō koōne buverr bya lon siliye ge a. Te vanten err ve lol ge mwenar buverr te lam ho, err me rrō koōne buverr ge rrlam bya lon siliye ne sevyaran ge a. Ngate Iyesu te lhe silna hu ge hilngin te rranga ho. Te te me koōne buverr wa te ru ge mwe yen 1 vatu nga rrō.

”Te longken eb jejeene nge lon lolongken bonga, te lon mwenangken rrinrrinan bonga, te lon mwenangken helan bonga. Te longken eb jejeene ge nyer ge em ho tiliuti ken, yi rrwene e wu ten byane nyer, eb yen ge yim rrō rrwene mu wu ten me ne ken hobōngken. Bone ge yim rrō rrwene lingsenean ge nyerō le, ge le mwe saavi ge yim rrō rrya sesebno nyer, te yim rrō toō kakabnu nyer, te yim rrō fnefne byane Yafukon lon imkon ge rrlam Jerrusalem.”

Iyesu te fe byane nyer ge, “Sese ge be mwena Sisa, semōle byane Sisa. Te sese ge be mwena Yafukon, semōle byane Yafukon.” Te vanten ge nyer a err non metenen ha ge Iyesu te fe.