פסוקים פופולריים מ- Mataayo 21

שתף

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Yeesu ˆnaabhasubhya ati, “Ni chimari enibhabhwira ati, araabha muri na eriikirisya rinu ritari na echiitimaato, emwe wone muritura okukora rwa jinu naakorera riiti rinu. Ka wone mutarikora rwa ejo era, tari noorwo mukabhwira echiima chinu ati, ‘Iiyika anu na okweswa mu‑nyanja,’ jiribha kutyo.

Abhaanu bhanu bhaariga bhamutangatiiye na bhanu bhaariga nibhamuruubha inyuma, nibhaamura obhuraka nibhaayikaga ati, “Wosaana, Omwana wa Dawudi! Ayaanwe amabhando unu kaaja kw‑isiina rya Raatabhugenyi Nyamuwanga! Wosaana, Nyamuwanga unu ari mu‑rwire!”

Yeesu ˆnaabhabhwira ati, “Jikaamirwe mu‑Bhikaame Ebhyeru ati, ‘Inju yaani iribha inju ya risabhwa.’ Nawe emwe, muyikorere okubha isenga ya abhasaakusi!”

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.