פסוקים פופולריים מ- ཡུ་ཧན་ན། 12

שתף

ཨི་བི་གི་ ཇ་ག་ཕྱག་ཞུ་ཝ་ཐུར་ ཇ་ག་ཚིང་ཚིང་ ཨོ་ཕེ་ཁེ༌ལེ། ཉི་ཇང་ཨོ་ག་ཆོ་ཝ་ཐུར་ ཇ་ག་གཡོག་པ་བུ་ཨོ་ཕེ། ཉི་ཇ་ག་ཨ་པ་གི་ ཇ་ག་ཕྱག་ཞུ་ཁཱན་ག་ བསྟོད་པ་ཕི༌ལེ།

ཨོ་ཉི་ཨ་དེན་གེ་ ཨི་བི་གི་ རང་ཏེན་ག་ཚེ་ཕང་པ་ཐུར་ ཨོ་ཉ་སོ་ངོ་གི་ ཚེ་གེམ༌ཅ། ཉི་ཨི་བི་གི་ ཨོ་ཐ་འཛམ་གླིང་ག་ རང་ཏེན་ག་ཚེ་གེ་མ་ཐུར་ ཨོ་ཉ་སོ་ངོ་གི་ རོ་ཀ་ཚེ་ཁེ་པ་ མ་འགྱུར་བརྟན་པ་ག་དེན་གེ་ ཐ་ལེ་ཉོང༌ཅ།

ཇི་གི་ ན་ཧ་དེན་པ་ཡེག་ཅ་ བོང་བུ་དང་ ས་ག་ཞུད་ཐཱན་ མ་ཤི་ཝ་སག་པུ་ ཐུར་གེ་ལག་ཉི་ རི་ལེ་རེ་བུ་མཱན༌ཅ། དག་པ་ཀབ་ཉི་ བོང་ག་ཁུ་ཤི་དེན་གེ་ཤ་ ཁུ་མང་པུ་ཐུར་ཤོ་ལེ་རེ༌ཅ།

ཇ་ག་དད་པ་ཨ་ཁཱན་ཐུར་བུ་ མེར་བུ་ནང་ཀ་ ཆོ་ལེ་མ་ཁེན་ཆེན་དག་པ་གི་ ཇང་ཤོ་ འཛམ་གླིང་ག་འོད་ཟེར་ཨ་ཉི་ ཨོ་ཕ་གི༌ལ།

ཇ་ག་གསུང་ཉཱན་ཐཱན་ ཨོ་ཉ་གསུང་ག་ ཆ་གནས་མ་ཐ་ཁཱན་སོ་ངོ་ག་ ཇི་གི་ཁྲིམས་ཅཱད་པུ་མཱན༌ཅ། ཧང་ཡ་དག་ནེ་ལ་ ཇང་ཤོ་འཛམ་གླིང་ག་ ཁྲིམས་ཅཱད་པེ་དེན་གེ་ མང་གི་ཝ་ སྐྱབས་ཨ་ལེ་དེན་གེ་ ཨོ་ཕ་གི༌ལ།

ཉི་མ་རི་ཡམ་གི་ ཤེར་སུང་སུང་ནམ་ཁཱན་ སི་པ་ལང་ཐུར་ཤོན་ཐཱན་ ཡི་ཤུ་ག་ཞབས་ག་སོག་པ༌ལ། ཉི་རོ་ཀ་ཚམ་གི་ཨ་ཉི་ཕག་པ༌ལ། ཨོ་ཉ་སི་ཤོ་ གནམ་མེད་ས་མེད་ གོང་ཆི་ལུ་ཨ་ཁཱན་གི་ཝ་ཆོ་ཝ༌ལ། ཉི་ཕའི་ནང་ ཐམས་ཅན་རང་ ཨོ་ཉ་སི་གེ་ཤོ་ཁཱན་ ཤེར་སུང་སུང་གི་ཕུང་མ༌ལ།

རོག་ཏེ་བ་ཀི་ པམ་ཤིང་ག་ ད་ཀ་བ་ཅཱད་ཉི་བུན་ཐཱན་ རོག་མཇལ་བེ་དེན་གེ་དི་ཝ༌ལ། རོག་ཏེ་བ་ཀི་ ཤ་དར་ཕི་ཉི་ཞུ་ཝ་ལ་ དཀོན་མཆོག་ག་ བསྟོད་པ་ཕུལ༌ཤོ། ཉི་གཙོ་བོ་ག་མཚན་ག་བྱོན་ཁཱན་ཤོ་ བྱིན་རླབས་ཅན་གི༌ལ། ཨིས་རེལ་ག་དཔོན་ཤོ་ བྱིན་རླབས་ཅན་གི་ལ་དག༌ཉི།

ཡི་ཤུ་གི་ རོག་ཉིག་ཙིང་ག་ ལན་གནང་ཉི་གསུངས་མ་ལ་ སོ་ངོ་ག་ཟ་གི་ གཟི་བརྗིད་ཆི་ལུ་ཉོང་པེ་ག་ དུས་ཙུན་རེན༌པ།