פסוקים פופולריים מ- ཡུ་ཧན་ན། 15

שתף

ཇང་ཤོ་ ཤིང་ག་མ་གི༌ལ། ཉི་ན་ཧ་བ་ཤོ་ ད་ཀ་བ་གི༌ལ། རོག་ཏེ་བ་ ཇང་ཀབ་ཉི་ཆོ་ཉི་ ཉི་ཇང་ རོག་ཏེ་བ་ཀབ་ཉི་ཆོ་ནེ་ལ་ རོག་ཏེ་བ་ཀི་ སེ་མང་པུ་སེ་ལེ་རེ༌བེ། ཧང་ཡ་དག་ནེ་ལ་ ཇང་མ་ནེ་ལ་ ན་ཤི་ ཧང་རང་ཨ་ལེ་མར༌བ།

ན་ཧ་བ་ ཇང་ཀབ་ཉི་ཆོའི་ ཉི་ཇང་ ན་ཧ་བ་ཀབ་ཉི་ཆོ༌ལེ། ཤིང་ག་མ་མ་ནེ་ལ་ ད་ཀ་ཐུར་ཏེན་གི་ སེ་ཧ་ལ་རང་སེ་ལེ་མར༌བ། ད་ཀ་ཤོ་ ཤིང་ག་མ་ག་ཏེན་ཉི་ཆོ་ལེ་ཁེ༌ལེ། ཨུ་ཉུ་པུརུས་ཀིན་ཨ་ཉི་ ན་ཧ་བ་བུ་ ཇ་ག་ཏེན་ཉི་མ་ཆོ་ནེ་ལ་ ན་ཤི་བུ་ སེ་སེ་ལེ་མར༌བ།

ན་ཧ་བ་ ཇང་ཀབ་ཉི་ཆོ་ཉི་ ཉི་ཇ་ག་གསུང་ ན་ཧ་བ་ཀབ་ཉི་ཆོ་ནེ་ལ་ ན་ཤི་ ཧང་ཞུ་ཝ་ཐུར་ ན་ཤི་ཞུ་ཁཱན་ཁེ་པ་ ན་ཧ་གནང༌མེ།

ན་ཤི་ཇང་སི་ཝ་མང་གི། དག་པ་ཀབ་ཉི་ ན་ཧ་བ་དིན་ཐཱན་ ཐེས་པེ་རེ་ཁཱན་ སེ་སེན་ཆེན་དག་པ་གི་ ཇི་གི་ ན་ཧ་བ་སིན་ཐཱན་ ཀེ་བ་གི༌ལ། ཉི་ན་ཤི་ ཇ་ག་མིང་ག་ ཧང་ཞུ་ཝ་ཐུར་ ཨ་པ་གི་ ན་ཧ་གནང༌མེ།

ན་ཤི་ ན་ཧ་ཇ་རོ་ག་དེན་གེ་ ན་ཧ་ཚེ་བུ་བི་ནེ་ལ་ ཨུ་ཉུ་ཤོ་ སྙིང་རྗེ་ཐམས་ཅན་གེ་ ཆི་ལུ་གི༌ལ།

སེ་མ་སེ་ཁཱན་ད་ཀ་ ཐམས་ཅན་རང་ རོ་ཀི་ཅཱད་ཉི་གེམ༌ཅ། དག་པ་ཀབ་ཉི་ སེ་སེ་ཁཱན་ད་ཀ་བ་ཀི་ ལག་ཏང་མང་པུ་ཨ་ཉི་ སེ་སེན་ཆེན་དག་པ་གི་ རོ་ཀི་ ཨོ་ཉ་ད་ཀ་བ་ཁོརོམ་ཉི་ཟང༌ཅ།

ཇ་ག་བཀའ་ཤོ་ ཨུ་ཐུ་གི་ལ་ ཇི་གི་ ན་ཧ་བ་ཕང་པ་པུརུས་ཀིན་ཨ་ཉི་ ན་ཤི་བུ་ ཐུར་གི་ཐུར་ག་ཕང་པེ་ཁེ༌ལེ།

ན་ཤི་སེ་མང་པུ་སེ་ལ་ཀབ་ཉི་ ཇ་ག་ཨ་པ་ག་ གཟི་བརྗིད་ཁེ་པ་ གེན་མེ་རེ༌ཅ། ཉི་ཨོ་ཐེན་ཨ་ཉི་ ན་ཧ་བ་ ཇ་ག་སློ་མ་གི་ལ་དག་ཉི་ གེན་མེ་རེ༌ཅ།

ཇང་ཤོ་ ཤིང་ག་མ་ངོ་མ་གི༌ལ། ཉི་ཇ་ག་ཨ་པ་ཤོ་ ལྡུམ་ར་པ་གི༌ལ།

ཇང་ཀབ་ཉི་མ་ཆོ་ཁཱན་བ་ཤོ་ གེམ་ཉི་ཀུན་ཏི་ཁཱན་ ད་ཀ་ད་བུ་གི༌ལ། ཉི་ཨོ་ཉ་ད་ཀ་སང༌ཅ། ཉི་དུས་ཐཱན་ མི་ག་གོག་ཉི་ཞུམ༌ཅ།

ཇ་ག་ཤོ་ནང་གི་ ན་ཧ་བ་ཕུང་ཆེན། ཉི་ན་ཧ་ཤོ་ནང་ཁེ་པ་ ཧང་གེ་རང་ མ་ཀོན་མ་རིན་ཆེན་དག་པ་གི་ ཇི་གི་ ན་ཧ་ཨོ་ཐ་ཆཱས་ཡེག་པ་གི༌ལ།

ཇི་གི་ ཇ་ག་ཨ་པ་ག་ བཀའ་བ་ཀ་ཆ་གནས་ཐ་ཉི་ རོ་ཀ་སྙིང་རྗེ་ནང་ཀ་ ཆོ་ཝ་པུརུས་ཀིན་ཨ་ཉི་ ཇི་གི་བི་ཁཱན་བཀའ་བ་ཀ་ ན་ཤི་ཆ་གནས་ཐ་ནེ་ལ་ ན་ཧ་བ་ ཇ་ག་སྙིང་རྗེ་ནང་ཀ་ ཆོན་ཅ་གི༌ལ།

ཨུ་ཉུ་ཤོ་ ཇ་ག་བཀའ་གི་ལ་ ཐུར་གི་ཐུར་ག་ཕང༌ཅོ༎

ན་ཧ་བ་ འཛམ་གླིང་ག་གི་ནེ་ལ་ འཛམ་གླིང་ག་གི་ཝ་ཨ་དེན་གེ་ འཛམ་གླིང་གི་ ན་ཧ་བ་ཕང་པེ་ཆོ༌ཝ། དག་པ་ཀབ་ཉི་ ཇི་གི་ ན་ཧ་བ་ ཨོ་ཐ་འཛམ་གླིང་གེ་ སི་ཝ་ཨ་དེན་གེ་ ན་ཧ་བ་ ཨོ་ཐ་འཛམ་གླིང་ག་མང་གི། ཨོ་ཉི་ཨ་དེན་གེ་ འཛམ་གླིང་གི་ ན་ཧ་བ་ མ་ཟེས་ཅ་གི༌ལ།