פסוקים פופולריים מ- ཡུ་ཧན་ན། 3

שתף

དཀོན་མཆོག་གི་ འཛམ་གླིང་ག་སོ་ངོ་བ་ གནམ་མེད་ས་མེད་ ཕང་པ་ཨ་དེན་གེ་ རོ་ཀ་སྲས་ཐུར་ཨ་ཝ་ཆོ་ཁཱན་བུ་གནང༌མ། ཨི་བི་གི་ རོ་ཀ་ཏཱན་དད་པ་ཨ་ཝ་ཐུར་ དམྱལ་བ་ག་མ་དི༌ལ། དག་པ་ཀབ་ཉི་ ཚེ་མ་འགྱུར་བརྟན་པ་ཉོང་པེ་གི༌ལ།

འཛམ་གླིང་ག་སོ་ངོ་བ་ཀ་ ཁྲིམས་ཀེ་བེ་དེན་གེ་ དཀོན་མཆོག་གི་ རོ་ཀ་སྲས་ཀུན་ཏི་ཝ་མང་གི་ཝ་ རོ་ཀེ་ཨ་ཉི་ འཛམ་གླིང་ག་སོ་ངོ་བ་ཀི་ ཐར་པ་ཉོང་ཅེན་དག་པ་གི་ ཀུན་ཏི་ཝ་གི༌ལ།

ཡི་ཤུ་གི་ རོ་ཀ་ལན་གནང་ཉི་ གསུངས་མ་ལ་ ཇི་གི་ ན་ག་དེན་པ་ཡེག་ཅ་ ལོག་ཉི་མ་ཀེ་ཝ་སག་པུ་ ཨི་བི་གི་རང་ དཀོན་མཆོག་ག་རྒྱལ་སྲིད་ནང་ཀ་ ནུ་ཕེ་མར་བ་དག༌ཉི།

ཨི་བི་གི་ རོ་ཀ་དད་པ་ཨ་ཝ་ཐུར་ ཨོ་ཉ་སོ་ངོ་གི་ ཁྲིམས་མ་ཉོང༌པ། དག་པ་ཀབ་ཉི་ དད་པ་མ་ཨ་ཁཱན་གི་ གི་ཚེ་གེ་ཤ་ ཁྲིམས་ཉོང་པ༌ཅ། ཧང་ཡ་དག་ནེ་ལ་ རོག་ཏེ་བ་ཀི་ དཀོན་མཆོག་ག་ སྲས་ཐུར་ཨ་ཝ་ཆོ་ཁཱན་ག་མཚན་ག་ དད་པ་མ་ཨན་ཤི།

ཁྲིམས་ཤོ་ ཨོ་ཐེན་ཅཱད་ཉི་གནང་མེ་གི༌ལ། འོད་ཟེར་འཛམ་གླིང་ནང་ཀ་ བྱོན་ཉི་གནང༌མ། དག་པ་ཀབ་ཉི་ སོ་ངོ་བ་ཀ་ ལའི་ངན་པ་ཆོ་ཝ་ཨ་དེན་གེ་ རོག་ཏེ་བ་ཀི་ འོད་ཟེར་གེ་ལག་ཉི་ མེར་བུ་རང་ཤོ་ནང་ཕེ༌ཝ།

རོག་ཤོ་ ཆི་ལུ་རི་ལེ་ཁེ༌ལེ། ཉི་ཇང་ཤོ་ ཟེ་མུ་རི་ལེ་ཁེ༌ལེ།

ངན་པ་ཨ་ཁཱན་བ་ཀི་ འོད་ཟེར་ལེག་པུ་མཱན༌ཅ། ཉི་རོག་ཏེ་བ་ཀི་ ཨ་ཁཱན་ལའི་ངན་པ་བ་ ཐོང་དུ་དག་པ་གི་ རོག་ཏེ་བ་ཀི་ འོད་ཟེར་ནང་ཀ་ ཨོ་ཕེ་ན་ལུ་མཱན༌ཅ།

ཨོ་ཉི་ཨ་དེན་གེ་ ཨི་བི་གི་སྲས་ག་ དད་པ་ཨ་ཝ་ཐུར་ ཚེ་མ་འགྱུར་བརྟན་པ་ཉོང༌པེ། དག་པ་ཀབ་ཉི་ སྲས་ག་ཆ་གནས་མ་ཐ་ཁཱན་གི་ ཚེ་ཉོང་པེ་མར༌བ། དག་པ་ཀབ་ཉི་ ཨོ་ཉ་སོ་ངོ་ག་ཐུང་ཀ་ དཀོན་མཆོག་ག་ཆདཔ་ཕོག༌པེ༎

མོ་ས་གི་ ས་ཏོང་པ་ནང་ཀ་ རུ་གེ་ནང་ ག་དུང་མ་པུརུས་ཀིན་ཨ་ཉི་ སོ་ངོ་ག་ཟ་བུ་ ག་དུང་མེ་ཁེ༌ལེ།

ཧང་ཡ་དག་ནེ་ལ་ ཡབ་ཀི་ རོ་ཀ་སྲས་ཕང་ཉི་ གནང་མ་ཨ་དེན་གེ་ ཐམས་ཅན་རང་ རོ་ཀ་དབང་ཚད་ག་ཕརའ་ཁ་ ཙུག་ཉི་གནང་མ༌ལ།