פסוקים פופולריים מ- मात्‍ति 10

שתף

“सोयानुम, का न्‍निङ्‌दा ब्‍वासो लोॽवाहा याॽमिचिगा उलुम्‍बे सामुङ्‌चि लोॽवा पाङ्‌मासिम्‍मेॽनेनिन, न्‍हाङामाङ् न्‍निङ्‌दा पुछाक लोॽवा चोम्‍बु नुङ् ढुकुवा लोॽवा सोझो लेक्‍सानि॥

इसाङा उका हिङ्‌लुङ् हिङ्‌मेॽमा योग्‍वा न्‍नाङा जेप्‍पागा हिङ्‌लुङ् मासिॽवा, ङ्‌खाॽनिङ्‌गो इसाङा उका हिङ्‌लुङ् आका लागि पिवा, न्‍नाङा च्‍हेन मेन्‍सिमाना हिङ्‌लुङ् तोक्‍त्‍वाना॥

न्‍निङ्‌दा न्‍निङ्‌गा सालुङ् सिखुबाचिनुङ् ङ्‌गिसितानिन, इजाङ्‌बाङ्‌निङ् ङ्‌खाचिङा न्‍निङ्‌गा आत्‍मा गो सिमा ङ्‌यास्‍वानिन्‍बा! ङ्‌खाॽनिङ्‌गो सालुङ् नुङ् आत्‍मा हिचिचि नाराकपे नास चोक्‍मा याखुबा निङ्‌वाफुमानुङ् किसितानि॥

न्‍हाङा इसाङा उका कुरुस ख्‍वाहोङ् आका हेक्‍साङ् न्‍लाम्‍मेन, न्‍ना आका चेला लेङ्‌मा न्‍थेन्‍दिसिॽवान्‍ना॥

“खेप्‍सानुम, इसाङा याॽमिचिगा उयुम्‍बे आका हाङ्‌बा ओमभोङ् का सुइकार चोङ्‌मेङ्, का चा न्‍ना वालोकपे वाखुबा निङ्‌वाफुमा आप्‍पागा उयुम्‍बे सुइकार चोग्‍वाङ्॥ ङ्‌खाॽनिङ्‌गो इसाङा याॽमिचिगा उयुम्‍बे का इन्‍कार चोङ्‌मेङ्, का चा न्‍ना वालोकपे वाखुबा निङ्‌वाफुमा आप्‍पागा उयुम्‍बे इन्‍कार चोग्‍वाङ्‌ना॥

तुखाबाङ्‌चि नुमेतानुम्‍चिम, न्‍स्‍याहाचि हिङ्‌गिलिक चोगानुम्‍चिम, कोरङा याक्‍सुचिहा सुद्‌दा चोगानुम्‍चिम न्‍हाङ् इसिॽहा मुइचि लोन्‍धाक्‍सानुम्‍चिम॥ न्‍निङ्‌दा ओमेन मेॽनिङ् तोक्‍तुम्‍गा, ओमेन मेॽनिङ् पियानुम्‍चिम॥

न्‍हाङामाङ् न्‍निङ्‌दा ङ्‌गिसितानिन! न्‍निङ्‌दा प्‍याक पेचिरिॽवाचि हाक्‍निङ्‌चा प्‍याक ओमेन आखुबासिगान॥

“का ताम्‍दाङ्‌फुमाबे हाङ्‌हाङ् पिसे तायाङ्‌ना ओमभोङ् म्‍मितानिन॥ का हाङ्‌हाङ् पिसे मेन्‍ना, ङ्‌खाॽनिङ्‌गो साम्‍बेक चालाचोक्‍से तायाङ्‌ना ओम॥