פסוקים פופולריים מ- ယောဟန် 10

שתף

သူခိုး​သည် ခိုးဝှက်​ရန်၊ သတ်ဖြတ်​ရန်​နှင့် ဖျက်ဆီး​ရန်အတွက်​သာ လာ၏။ ငါ​သည် သိုးတို့​ကို အသက်​ကို ရရှိ​စေရန်​သာမက ထို​အသက်​ကို ကြွယ်ဝပြည့်စုံ​စွာ ရရှိ​စေရန်​လည်း လာ၏။

ငါ​သည် သိုးထိန်းကောင်း​ဖြစ်၏။ သိုးထိန်းကောင်း​သည် သိုးတို့​အတွက် မိမိ​အသက်​ကို စွန့်တတ်၏။

ငါ့​သိုးတို့​သည် ငါ့​စကားသံ​ကို နားထောင်​၍ ငါ့​နောက်သို့ လိုက်ကြ၏။ ထို​သိုးတို့​ကိုလည်း ငါ​သိ၏။

သူတို့​အား ထာဝရ​အသက်​ကို ငါ​ပေး​သဖြင့် သူတို့​သည် သေခြင်း​နှင့်​ကင်းလွတ်ကြ​လိမ့်မည်။ မည်သူ​မျှ သူတို့​ကို ငါ့​လက်​မှ လုယူသွားနိုင်မည်​မဟုတ်။

ငါ​သည် တံခါးဝ​ဖြစ်၏။ ဤ​တံခါးဝ​မှ ဝင်သောသူ​သည် ဘေးကင်း​၍ ဝင်ထွက်သွားလာ​လျက် ကျက်စားရာ​အရပ်​ကို တွေ့​လိမ့်မည်။

ငါ​သည် သိုးထိန်းကောင်း​ဖြစ်၏။ ခမည်းတော်​သည် ငါ့​ကို သိတော်မူ​၍ ငါ​သည်လည်း ခမည်းတော်​ကို သိ၏။ ထိုကဲ့သို့ပင် ငါ့​သိုးတို့​ကို ငါ​သိ​၍ ငါ့​သိုးတို့​သည်လည်း ငါ့​ကို သိကြ၏။ ငါ​သည် ထို​သိုးတို့​အတွက် အသက်​ကို စွန့်၏။

ထို​သိုးတို့​ကို ငါ့​အား ပေးအပ်တော်မူသော ခမည်းတော်​သည် ခပ်သိမ်းသော​သူတို့​ထက် ကြီးမြတ်တော်မူ၏။ ထို့ကြောင့် မည်သူ​ကမျှ ထို​သိုးတို့​ကို ခမည်းတော်​၏ လက်တော်​မှ လုယူသွားနိုင်မည်​မဟုတ်။ ခမည်းတော်​နှင့် ငါ​သည် တစ်သားတည်း​ဖြစ်၏” ဟု မိန့်တော်မူ၏။

ငါ​သည် သိုးထိန်းကောင်း​ဖြစ်၏။ ခမည်းတော်​သည် ငါ့​ကို သိတော်မူ​၍ ငါ​သည်လည်း ခမည်းတော်​ကို သိ၏။ ထိုကဲ့သို့ပင် ငါ့​သိုးတို့​ကို ငါ​သိ​၍ ငါ့​သိုးတို့​သည်လည်း ငါ့​ကို သိကြ၏။ ငါ​သည် ထို​သိုးတို့​အတွက် အသက်​ကို စွန့်၏။

မည်သူ​ကမျှ ငါ့​အသက်​ကို စွန့်စေသည်​မဟုတ်။ မိမိ​သဘော​ဖြင့်သာ ငါ​စွန့်၏။ အဘယ်ကြောင့်ဆိုသော် ငါ့​အသက်​ကို စွန့်​ရန်​နှင့် ပြန်ယူ​ရန် ငါ့​ထံ၌ အခွင့်အာဏာ​ရှိ​သောကြောင့်​ဖြစ်၏။ ထို​အမိန့်​ကို ခမည်းတော်​ထံမှ ငါ​ရရှိ၏” ဟု မိန့်တော်မူ၏။

ထို့ကြောင့် တစ်ဖန် ယေရှု​က “သင်တို့​အား ငါ​အမှန်​ဆို၏။ ငါ​သည် သိုးခြံဝင်း​တံခါး​ဖြစ်၏။

အငှား​သိုးထိန်း​မှာမူ ဝံပုလွေ​လာသည်​ကို မြင်​လျှင် ထွက်ပြေးတတ်၏။ သူ​သည် သိုးထိန်း မဟုတ်။ သိုးရှင်​လည်း မဟုတ်​သောကြောင့် သိုးတို့​ကို စွန့်ပစ်ထား​လိမ့်မည်။ ထိုအခါ ဝံပုလွေ​သည် သိုးအုပ်​ကို ဝင်ဆွဲ​၍ တကွဲတပြား​ဖြစ်စေတတ်၏။

“သင်တို့​အား ငါ​အမှန်​ဆို၏။ သိုးခြံ​ထဲသို့ ဝင်းတံခါး​မှ မဝင်ဘဲ ခြံ​ကို​ကျော်​၍ ဝင်သော​သူ​သည် သူခိုး၊ ဓားပြ​ဖြစ်၏။