פסוקים פופולריים מ- ယောဟန် 5

שתף

သင်တို့​အား ငါ​အမှန်​ဆို၏။ ငါ့​စကား​ကို နားထောင်​၍ ငါ့​ကို စေလွှတ်တော်မူသော​ဘုရား​ကို ယုံကြည်သော​သူ​သည် ထာဝရ​အသက်​ကို ရ၏။ ထို​သူ​သည် ပြစ်ဒဏ်​စီရင်ခြင်း​မခံရဘဲ သေခြင်း​မှ အသက်ရှင်ခြင်း​သို့ ကူးပြောင်းရသော​သူ​ဖြစ်၏။

ယေရှု​သည် ထို​သူ လဲလျောင်းနေသည်​ကို မြင်​၍ နာမကျန်း​ဖြစ်နေသည်​မှာ ကြာမြင့်​နေပြီဖြစ်ကြောင်း​ကို သိတော်မူ​လျှင် “သင်​ကျန်းမာ​လိုသလော” ဟု မေးတော်မူ၏။

သင်တို့​သည် ကျမ်းစာ​က ထာဝရ​အသက်​ပေးသည်​ဟု ထင်မှတ်​၍ ကျမ်းစာ​ကို လေ့လာတတ်ကြ၏။ ထို​ကျမ်းစာ​ကပင် ငါ့​အကြောင်း သက်သေခံ၏။ သို့သော် သင်တို့​သည် ထို​ထာဝရ​အသက်​ကို ရ​ရန် ငါ့​ထံသို့ မချဉ်းကပ်လိုကြပေ။

ယေရှု​က “ထလော့။ သင့်​အိပ်ရာ​ကို ယူ​၍ လမ်းလျှောက်လော့” ဟု မိန့်တော်မူ၏။ ထိုအခါ သူ​သည် ချက်ချင်းပင် အကောင်းပကတိ​ဖြစ်လာ​၍ အိပ်ရာ​ကို ယူ​လျက် လမ်းလျှောက်လေ၏။ ထို​နေ့​သည် ဥပုသ်နေ့​ဖြစ်၏။

ယေရှု​က “သင်တို့​အား ငါ​အမှန်​ဆို၏။ သားတော်​သည် မည်သည့်​အမှု​ကိုမျှ မိမိ​အလိုအလျောက် မပြုနိုင်။ ခမည်းတော်​ပြုတော်မူသော​အမှု​ကို မြင်​၍သာ ပြု၏။ ခမည်းတော်​ပြုတော်မူ​သမျှ​အတိုင်း သားတော်​သည်လည်း ပြု၏။