פסוקים פופולריים מ- မဿဲ 5

שתף

မည်သူ​မျှ ဆီမီးခွက်​ကို ထွန်း​၍ တောင်း​အောက်​၌ ထားလေ့​မရှိ။ အိမ်သူအိမ်သားတို့ အလင်းရောင်​ရ​စေရန် ဆီမီးတိုင်​ပေါ်တွင် တင်ထားလေ့ရှိကြ၏။ ထိုနည်းတူ​ပင် ကောင်းမှုများ​ပြုခြင်း​ဖြင့် သင်တို့​၏ အလင်း​ကို သူတစ်ပါး​ရှေ့​၌ ထွန်းလင်းစေကြလော့။ လူတို့​သည် သင်တို့​၏ ကောင်းသော​အကျင့်​ကို မြင်​၍ ကောင်းကင်ဘုံ​၌ ရှိတော်မူသော သင်တို့​အဖ​၏​ဘုန်းတော်​ကို ချီးမွမ်းကြ​လိမ့်မည်။

သင်တို့​သည် ဤ​လောက​၏ အလင်း​ဖြစ်ကြ၏။ တောင်ထိပ်​၌ တည်သော​မြို့​ကို ဖုံးကွယ်ထား​၍ မရနိုင်။

စိတ်နှလုံး​ဖြူစင်သော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် ဘုရားသခင်​ကို တွေ့မြင်ကြရမည်​ဖြစ်​သောကြောင့်ပင်။

ဖြောင့်မတ်ခြင်း​ကို ငတ်မွတ်​တောင့်တသော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် အလိုဆန္ဒ​ပြည့်စုံကြ​ရမည်​ဖြစ်​သောကြောင့်ပင်။

သို့ရာတွင် သင်တို့​အား ငါ​ပြောဆိုသည်​မှာ သင်တို့​၏​ရန်သူ​ကို ချစ်​၍ သင်တို့​ကို ညှဉ်းပန်းနှိပ်စက်သော​သူများ​အတွက် ဆုတောင်းမေတ္တာ​ပို့လော့။

ယေရှု​က “စိတ်​အားငယ်​၍ ဘုရားသခင်​ကို လိုအပ်ကြောင်း​သိမြင်သော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ကောင်းကင်​နိုင်ငံတော်​သည် ထို​သူတို့​၏​နိုင်ငံ​ဖြစ်​သောကြောင့်ပင်။

ခိုက်ရန်ဖြစ်ခြင်း​ကို ပြေငြိမ်းစေသော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် ဘုရားသခင်​၏ သားသမီးများ​ဟု ခေါ်ခံကြရမည်​ဖြစ်​သောကြောင့်ပင်။

ငိုကြွေးမြည်တမ်းသော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် နှစ်သိမ့်ခြင်း​ကို ခံကြရမည်​ဖြစ်​သောကြောင့်ပင်။

ဖြောင့်မတ်စွာ​လုပ်ဆောင်ခြင်း​ကြောင့် ညှဉ်းပန်းနှိပ်စက်​ခံရသော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ကောင်းကင်​နိုင်ငံတော်​သည် ထို​သူတို့​၏​နိုင်ငံ​ဖြစ်​သောကြောင့်ပင်။

သနားကြင်နာတတ်သော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် သနားကြင်နာခြင်း​ကို ခံကြရမည်​ဖြစ်​သောကြောင့်ပင်။

ငါ့​ကြောင့် ကဲ့ရဲ့ပြစ်တင်ခြင်း၊ ညှဉ်းပန်းနှိပ်စက်ခြင်း​နှင့် မဟုတ်မမှန်ဘဲ​အမျိုးမျိုး​စွပ်စွဲ​ပြောဆိုခြင်းတို့​ကို ခံရ​သောအခါ သင်တို့​သည် မင်္ဂလာ​ရှိကြ၏။ ထို​အရာ​အတွက် ဝမ်းမြောက်​ပျော်ရွှင်ကြလော့။ အဘယ်ကြောင့်ဆိုသော် ကောင်းကင်ဘုံ​၌ သင်တို့​၏​ဆုလာဘ်​သည် ကြီးမားလှ၏။ ရှေး​ပရောဖက်များ​သည်လည်း ထိုနည်းတူ ညှဉ်းပန်းနှိပ်စက်ခြင်း ခံခဲ့ကြရ၏။

စိတ်​နူးညံ့သိမ်မွေ့သော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် ကမ္ဘာလောက​တစ်ခုလုံး​ကို အမွေခံကြရမည်​ဖြစ်​သောကြောင့်ပင်။

သင်တို့​သည် ဤ​လောက​၏​ဆား ဖြစ်ကြ၏။ သို့ရာတွင် ဆား​သည် အငန်ဓာတ်​ပျောက်ဆုံး​လျှင် ငန်သော​အရသာ​ကို မည်သို့​ပြန်ရနိုင်မည်နည်း။ မည်သည့်​အရာ​အတွက်​မျှ အသုံးမဝင်တော့ဘဲ အပြင်​သို့ ပစ်လိုက်​သဖြင့် လူတို့​၏​နင်းခြေခြင်း​ကို ခံရ​ရုံသာ ရှိပေမည်။

ထို့ကြောင့် ကောင်းကင်ဘုံရှင် သင်တို့​၏​အဖ​သည် ပြီးပြည့်စုံတော်မူ​သကဲ့သို့ သင်တို့​သည်လည်း ပြီးပြည့်စုံသော​သူများ ဖြစ်ကြလော့။

သင်တို့​သည် ဟုတ်သည်​ကို ‘ဟုတ်၏၊’ မဟုတ်သည်​ကို ‘မဟုတ်’ ဟူ၍ ပြောဆိုရမည်။ ထို​စကားတို့​ထက် ပိုသော​စကား​သည် မာရ်နတ်​ထံမှ လာသော​စကား ဖြစ်၏။

‘မျက်စိ​အတွက်​မျက်စိ၊ သွား​အတွက်​သွား’ ဟူသော​ပညတ်တော်​ကို သင်တို့​ကြားရပြီ။ သို့သော်လည်း သင်တို့​အား ငါ​ပြောဆိုသည်​မှာ မကောင်းသော​သူ​ကို အတိုက်အခံ​မပြုကြနှင့်။ သင်​၏ ပါး​တစ်ဖက်​ကို ရိုက်သော​သူ​အား အခြား​တစ်ဖက်​ကိုလည်း လှည့်ပေးလော့။

ထို့ကြောင့် သင်​၏ လက်ယာ​မျက်စိ​သည် ထို​တဏှာစိတ်​ကို ဖြစ်စေ​ပါက ထုတ်ယူ​၍ လွှင့်ပစ်လော့။ ခန္ဓာ​တစ်ခုလုံး ငရဲ​သို့ ချခံရခြင်း​ထက် အင်္ဂါ​အစိတ်အပိုင်း​တစ်ခု​ကို ဆုံးရှုံးရခြင်း​သည် ပို​၍ ကောင်း၏။ ထိုနည်းတူ လက်ယာ​လက်​သည် သင့်​ကို အပြစ်​ကျူးလွန်စေ​ပါက ဖြတ်​၍ လွှင့်ပစ်လော့။ ခန္ဓာ​တစ်ခုလုံး ငရဲ​သို့ ချခံရခြင်း​ထက် အင်္ဂါ​အစိတ်အပိုင်း​တစ်ခု​ကို ဆုံးရှုံးရခြင်း​သည် ပို​၍ ကောင်း၏။