פסוקים פופולריים מ- Jan 1

שתף

Bot dehn mi ga som a dehn weh mi did aksep ahn, ahn bileev eena ahn. Soh hihn gi aala dehn wan deh di rait fi bee Gaad pikni.

Bifoa Gaad mi eva mek eniting ataal, di Wan weh dehn kaal di Werd, hihn mi deh rait deh wid Gaad. In fak, hihn da-mi Gaad ihself.

Da Lait di shain pahn evriting weh daak wid sin, ahn di daaknis kyaahn owt it ataal.

Wel, di Werd ton hyooman ahn ih kohn kohn liv monks wi. Wee mi si fi hihn gloari, di gloari weh Gaad gi ih wan ahn oanli Son. Hihn lov wi tu nohmoh nohmoh ahn ih shoa wi wahn kainis weh wi noh dizerv, ahn ih mek wi si di reel chroot bowt Gaad.

Dat da di sayhn Werd weh mek evriting, ahn Gaad neva mek notn widowt hihn. Di Werd da di Wan weh reel laif kohn fram, ahn da laif da di Lait weh shain pahn peepl fi mek dehn si how fi liv.

Di neks day Jan di Baptis si Jeezas di kohn tuwaadz ahn, ahn ih seh, “Luk, si di Wan weh da Gaad Lam deh! Da hihn wahn tek weh di powa weh sin ga oava di peepl dehn a di hoal werl.

Di Werd mi-di liv eena di sayhn werl weh hihn mek, ahn di peepl dehn eena di werl neva eevn noa seh dat da di Werd ihself mi-di liv monks dehn. Ih kohn tu ih oan konchri, ahn ih oan peepl dehn neva aksep ahn.

Yu si, di Wan weh da di chroo chroo Lait mi-di kom eena di werl ahn shain pahn evribadi.

Gaad mi gi Moaziz di Laa fi gi wi, bot Jeezas Krais shoa wi fi hihn kainis weh wi neva dizerv, ahn sayka hihn, wi geh fi noa di chroot.