פסוקים פופולריים מ- यूहन्‍ना 6

שתף

तब येशूले घोषणा गर्नुभयो, “जीवनको रोटी म नै हुँ। जो मकहाँ आउँछ, त्यो कहिल्यै भोकाउनेछैन; र जसले ममाथि विश्‍वास गर्छ, त्यो कहिल्यै तिर्खाउनेछैन।

आत्माले जीवन दिनुहुन्छ, शरीरले केही फाइदा दिँदैन। मैले तिमीहरूसँग बोलेका वचन आत्मा र जीवन हुन्।

नष्‍ट हुने भोजनका निम्ति परिश्रम नगर, तर अनन्त जीवनसम्म रहिरहने भोजनका निम्ति परिश्रम गर, जुन भोजन तिमीहरूलाई मानिसको पुत्रले दिनेछन्। परमेश्‍वर पिताले उनैमाथि आफ्नो स्वीकृतिको छाप लगाउनुभएको छ।”

किनकि मेरा पिताको इच्छा यही छ कि, प्रत्येक जसले पुत्रलाई हेर्छ र उसमाथि विश्‍वास गर्छ, त्यसले अनन्त जीवन प्राप्‍त गरोस्; र म त्यसलाई अन्त्यको दिनमा फेरि जीवित पार्नेछु।”

येशूले जवाफ दिनुभयो, “परमेश्‍वरले चाहनुहुने काम यही हो: उहाँले पठाउनुभएको जनलाई विश्‍वास गर।”

पिताले मलाई दिनुहुनेहरू सबै मकहाँ आउनेछन्; र मकहाँ आउने कसैलाई पनि म कहिल्यै त्याग्नेछैनँ।

सिमोन पत्रुसले उहाँलाई जवाफ दिए, “प्रभु, हामी कसकहाँ जाऔं? अनन्त जीवनका वचनहरू ता तपाईंसँग छन्।

जीवित रोटी म नै हुँ, जो स्वर्गबाट ओर्लेर आयो। यदि कसैले यो रोटी खायो भने, त्यो सधैंभरि जिउनेछ। यो रोटी मेरो मासु हो, जो मैले संसारको जीवनका निम्ति दिनेछु।”

मलाई पठाउनुहुने पिताले त्यसलाई नखिँचेसम्म कोही पनि मकहाँ आउन सक्दैन; अनि म त्यसलाई अन्त्यको दिनमा जीवित पार्नेछु।

किनकि परमेश्‍वरको रोटी त्यही हो, जो स्वर्गबाट तल ओर्लिआउँछन् र संसारलाई जीवन दिन्छन्।”

जीवनको रोटी म नै हुँ।

त्यसपछि येशूले रोटी लिएर धन्यवाद दिनुभयो, र त्यहाँ बसेकाहरूलाई तिनीहरूले चाहेजति बाँडिदिनुभयो। उहाँले माछा पनि त्यसै गरी बाँडिदिनुभयो। तिनीहरू सबैले प्रशस्त खाएर अघाएपछि उहाँले आफ्ना चेलाहरूलाई भन्‍नुभयो, “उब्रेका टुक्राहरू बटुल, र केही पनि खेर नजाओस्।”

तिनीहरू डुङ्गा खियाउँदै लगभग पाँच किलोमिटरजति गएका थिए, तब तिनीहरूले येशूलाई पानीमाथि हिँडेर डुङ्गातिर आउँदै गर्नुभएको देखे, र तिनीहरू डराए। तर उहाँले तिनीहरूलाई भन्‍नुभयो, “म नै हुँ, नडराओ!”