פסוקים פופולריים מ- YAHYA 6

שתף

Appaui Isa mange ri iyai, ”Nakkemo roti assare katallasang; inai jua battu mae ri Nakke, ia gelemu laminang pa're muliang, na inai jua tappa' mae ri Nakke, ia gelemu laminang tirere muliang.

Nyaha Allataalamo assare tallasa, assi inni tide' jua matu-matunna. Pau Kupau injo mange ri kaui iamo Nyaha Allataala na tallasa.

Anjamako, gele ri kanre akkulle injo lala'busu, mingka kanre attahang injo sa'genna mange rikatallasang tide' tappu'na, nulapassareang injo Ana' Rupatau mange ri kau; saba' Iamo maeng risegele ri Allataala Amma.”

Saba' iamo inni a'ra'Na AmmangKu, iamo intu solanna sikuanna tau, anjanjang Ana' na tappa'i mange ri Ia languppai tallasa mannannungang, na solanna Kupakaattallasai muliang ri allo kala'busang.”

Appihali Isa mange ri iyai, ”Iamo inni jamaang nulakaa'raki injo Allataala, iamo intu parallulaloko tappa' mange ri Ia ri Tumaeng lasuro injo Allataala.”

Sikonjo nulapassareang Amma mae ri Nakke laa'rupai ri Nakke, na inai jua battu mae ri Nakke, ia gele laKupela'.

Appihali Simon Petrus mange ri Ia, ”Karaeng, laa'lampa mangekang ri nai? Ri Kau rie' Pau ritallasa mannannungang

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

Gele rie' manna sitau akkulle battu mae ri Nakke, ampa ia gele ribeso' ri Amma tuassuro injo ri Nakke, na ia laKupakaattallasai ri allo kala'busang.

Saba' roti nubattu injo ri Allataala iamo intu roti turung battu ri Suruga na assare katallasang mange ri lino inni.”

Nakkemo roti assare katallasang.

Rimaenna injo Isa laalle roti injo, masa barakka'i ampai lapa'dahu-dahuang mange risikuanna tau rie' attolong ri injo, appakonjo todo'i lageokang ri juku' injo, assillohe nulakaa'raki tau lohe injo. Sungka'i bassori ngase'mo appaui Isa mange ri ana'-ana' gurunNa, ”Parappungi la'binna roti injo solanna gele rie' nutappela'.”

Sungka'i miseimo barang lima iyareka annang kilo metere derena, lajanjangimu Isa a'lingka ri baho ere laseppaki lopinna. Jari mallaki ngase'i. Mingka Ia appau mange ri iyai, ”Nakke jua inni, akomo malla'!”