פסוקים פופולריים מ- متّانین رئوایت 6

שתפו

آمّا سئز اوّل تارینین پادشاهلیغی و اونون عدالتی دالیسیجا اولون، او واخت بو شیلر سئزه ورئله‌جک.

بونا گؤره، صاباح اوچون نئگاران اولمایین؛ چونکی صاباحکی گونون اؤزی اوچون، نئگارانچیلیغی اولاجاق. هر گونون اؤزی اوچون چتئنلئکی وار.

«بونون اوچون سئزه دیئرم؛ اؤز حیاتیز اوچون نئگاران اولمایین کی، نه یئیه‌جکسئز و نه‌‎ ائچه‌جکسئز، بدنئز اوچون ده نئگاران اولمایین کی، نه گئیه‌جکسيز. مگر جان یِمکدن، بدن ده پالتاردان آرتیق‎ دِیئل؟!

آمّا سن، دوعا اله‌دئیئن واخت، اؤز اوتاغینا گئر، قاپینی باغلا و گؤزلردن گئزلی اولان آتانا دوعا اله. گئزلئنی گؤرن آتان دا سنه عوضئنی وره‌جک.

بونون اوچون بله دوعا اله‌یئن: ای گؤیلرده اولان آتامیز، سنئن آدین موقدّس اولسون. سنئن پادشاهلیغین گلسئن. سنئن ائسته‌ دئیئن، گؤیده اولدوغی کئمی، یرده ده اولسون.

گونده‌ لئک چؤره‌ یئمئزی بو گون بئزه ور.

و بئزئم بورجلاریمیزی بئزه باغیشلا، نجه کی، بئز ده، بئزه بورجلی اولان هر آدامی باغیشلاییریق.

و بئزی ائمتاحانا چَکمه، بلکی شردن خئلاص اله. چونکی سلطنت، قودرت و جلال ابده کئمی سنئندئر. آمئن.

چونکی اگر سئز ائنسانلارین تقصئرلرئنی باغیشلایاسیز، گؤیلرده اولان آتاز دا سئزی باغیشلار.

گؤیون قوشلارینا باخین؛ اولار نه اکئرلر، نه بئچئرلر، نه ده آنبارلارا ییغیرلار. آمّا گئنه ده، گؤیده اولان آتاز اولارین روزی‌ سئنی ورئر. مگر سئز اولاردان چوخ ارزئشلی دِیئلسئز؟!

یِر اوزونده اؤزوزه خزئنه‌لر ییغمایین؛ اوردا بئد و پاس اولاری محو اله‌ر؛ و اوغرولار اورانی یاریب، اوغورلارلار. بلکی اؤزوزه گؤیده خزئنه‌لر حاضیرلایین، اوردا کی نه بئد، نه پاس وورار؛ نه ده اوغرولار اورانی یاریب اوغورلارلار. چونکی سئزئن خزئنه‌ز هاردا اولسا، اوره‌یئزده اله اوردا اولاجاق.

هچ کئم ائکی اربابا قوللوق الئیه‌بئلمز؛ چونکی یا بئرئندن نئفرت اله‌یئب او بئرئسئنی سِوَ‎ر، یا دا بئرئنه وفالی قالیب، او بئرئسئنی حقئر سایار. هم تارییا هم ده پولا قوللوق الئیه‌بئلمزسئز.

پس اگر تاری، بو گون چؤلده اولان اوتی کی، صاباح اوجاغا آتیلیر بِله گیئندئرئر، آیا سئزی داها آرتیق گیئندئرمیه‌جک، ای آز ائمانلی‌لار؟!

آمّا سن، صدقه وردئیئن واخت، قویما سول الئن ساغ الئنئن نه اله‌دئیئنی بئلسئن. صدقن گئزلی اولسون؛ گئزلئنی گؤرن آتان دا سنه عوضئنی وره‌جک.

دئقّت اله‌یئن کی، یاخشی عمللرئز خالقین گؤزی قاباغیندا، اؤزوزی اولارا گؤرسدمک اوچون اولماسین. چونکی اوندا گؤیلرده اولان آتازین یانیندا اجرئز اولمایاجاق.

اوروج توتدوغوز زامان ائکی‌اوزلی آداملار کئمی قاشقاباقلی گزمه‌یئن؛ چونکی اولار، اوزلرئنی دیئشئرلر کی خالقا اوروج اولدوقلارینی گؤرسده‌لر. دوغروسونی سئزه دیئرم؛ اولار بوتون اجرلرئنی آلیبلار. آمّا سن، اوروج توتدوغون واخت، باشینا یاغ سورت و اوزونی یو؛ اله کی، آداملارا یوخ، گؤزلردن گئزلی اولان آتانا اوروجلی گؤرونه‌سن. و گئزلئنی گؤرن آتان دا سنه عوضئنی وره‌جک.