פסוקים פופולריים מ- जोहन 15

שתפו

इञ अंगुर नाड़ी हेकेञ अरो अपे नाड़ी हेकेपे, जे इञ रे बनाल तहीः कनाकु अरो इञ जेकर रे बाय तहीः कनिञ, उनकु गी बेचोट फलाः कनाकु, चिलिमेनचि इञ एते अलगे तही केते अपे जहन्‍नाः हों कपे कराव दड़िवाःआ।

अपे इञ रे बाय तहीःपे अरो इञ अपे रे बाय तहिनोःओञ। जे लेका नाड़ी जदि अंगुर नाड़ी रे बनाल का तहीः रेदो अपन एते का जो नोःओ इना लेका गी अपे हों जदि इञ रे बनाल कपे तहिनोःओ रेदो अपे हों, जो कपे अगु दड़िवाःआ

जदि अपे इञ रे बाय तहीः कन रेदोपे अरो अपे रे इञ रआ बचन बाय तहीः कन रेदो जे चहाःआपे कोयइयापे, उना अपे के एमापिञ।

अपे इञ के कपे सला एकाःदेञा, बलकी इञ अपे के इनाते सला एकाःपिञ अरो बहाली एकाःपिञ चि अपे सेन केते फोल अगुइपे, अपे रआ फोल बाय तहिनोःओ ताकि अपे इञ रआ लुतूम अगु केते आपु एते जे गी कोवेयापे, उनी अपे के इनागी एमापेयाय

नुवां एते मरंग दुलार जहय रआ बनुःआं चि जहय अपन गाति कथिर अपन जीव एम्‍माय।

जे नाड़ी इञ रेया अरो का जोःकाना, उना, उनी माः कनाय, अरो जे नाड़ी रे जोःकाना उना छंटाव कनाय ताकि अरो जो नोःओ।

“इञ रआ हुकूम नुवां हेके, जे लेका अपे के इञ दुलार पेकानिञ इना लेका गी अपे हों अनी-नोय के दुलार कुपे।

इञ रिई आपुञ रआ महिमा नियां एते होयुःआ चि अपे बेचोट फोल अगुयापे, तोब अपे इञ रेन चेला बनाल तहीः दड़िवाःआपे

“इञ सचा अंगुर नाड़ी हेकेञ, अरो इञ रिई आपुञ खेतयार हेकेय।

जदि जहय इञ रे बनाल काकु तहीः कनरेदो, उना रोहोड़ नाड़ी लेका गिड़ी ककानाकु अरो रोहोड़ कोःकाना इमिन रे नुंकन नाड़ी, हविर जमा केते ओन्डोर ककानाकु।

इञ अपे के नुवां इनाते गाम्‍मेकावाःपिञ चि इञ रआ आनाद अपे रे बाय तहीःका, अरो अपे रआ आनाद पुराःका।

जदि अपे इञ रआ हुकूम दोहोय रेदोपे इञ रआ दुलार रे बाय तहीःआपे। इञ हों आपुञ रआ हुकूम दोहोतिञ अरो उनी रआ दुलार रे बाय तहीः कनिञ।

इञ अपे के नुवां हुकूम एमा पेकानिञ अनी-नोय के दुलार कुपे।

जदि अपे दुनिया रेन होर तहिलेन रेदोपे दुनिया रेन होर अपे के अपन सोमझाव केते दुलार पेयाकु होनङ, मुदा अपे दुनिया रेन होर बङ हेकेपे, चिलिमेनचि इञ अपे के दुनिया रे एते सला एकाःपिञ। इनाते दुनिया रेन होर अपे एते बइर दोहोय कनाकु।