פסוקים פופולריים מ- जोहन 17

שתפו

सतया रआ दोवासते उनकु के पबितर कुम। आम रआ सिख गी सतया हेनाःआं।

उनकु, आम के मोतलोब मिहोर गी सचा परमेसर के अरो ईसु मसी के, जेके आम ता कुल एकाःदेयाम, सारी केयाकु, नेयगी का मुडूः जीवन हेकेय।

“इञ सिरीफ उनकु कथिर गी काइञ गोहराव एयकाना, बलकी उनकु कथिर हों, जे नोकु रआ सिख ओनाव केते इञ रे बिसवास कनाकु। ताकि उनकु सुबिन मीः ओःकाकु। इनका गी जेलेका ए परम आबा आम इञ रे हेनामा अरो इञ आम रे। इना लेका गी उनकु हों अलांङ रे मीःवोः काकु, ताकि दुनिया बिसवासियाकु चि आम इञ के कुल एकाःदेञाम।

इञ नुवां काइञ कुलिइ काना चि आम उनकु के दुनिया एते उडुङ ककुम बलकी नुवां चि आम उनकु रिई कुचड़ सयतान एते जोतोनेञ।

उना महिमा जे इञ के एम एकावादेञाम, इञ उनकु के एम एकावाःकुञ; ताकि उनकु हों इनका गी मीः वोः दड़िवाकाकु, जेलेका अलांङ मीः गियालांग। इञ उनकु रे होयुःइञ अरो आम इञ रे होयुःआम, जेकर एते उनकु भोरपुर एकता ता नामकाकु अरो दुनिया सारी केयाकु चि आम इञ के कुल एकाःदेञाम अरो आम उनकु केहों इनका गी दुलार एकाःकुवाय जे लेका इञ केहों दुलार एञकनाम।