פסוקים פופולריים מ- Gen 15

שתף

Eh re' Abram xunimaj i xuq'or i QaJaaw Dios. Ruum aj re', xunimaj i Dios chi korik wach ruk'ux.

Chi riij i re', re' QaJaaw Dios xuq'oreej i Abram parusaq wiriik, je' wili i xuq'or reh: Abram re' hat maayohb'isaj awiib', re' hin naa nuko'liniik aweh. Eh re' aakooch naa nuye'em, xiik' naah nimaal wach, inki.

Eh re' i QaJaaw Dios xuk'am reje i Abram rij paat je' wili xuq'or reh: Chatz'ehtaaj taqe johtoq i ruk'ihaal ch'umiil, re' hat ma' nee ta nakuy rajaljiik. Je' wo' re' noq ma' naa taa kuyum rajaljiik taqe awiih aamaam naa kiwihiik, i nuchjik.

Re' QaJaaw Dios je' wili i xuq'or reh: Ma' re' ta jino'q keh amoso naa rehchaniik reh i chib'ih aweh, xti awak'uun la' hat naa rehchaniik reh, i nuchjik.

Eh re' QaJaaw Dios je' wili i xuq'or reh i Abram: Re' i wili k'uhtb'al reh chi re' taqe awiih aamaam, naa kojiik chi patinik pan tokoom tinamit. Ar naakiye'ariik pankowlaj kamanik, kijib' siento haab' naa rub'aan ti' k'axik keh ar.

Re' Abram je' wili i chaq'wik xub'an: QaJaaw Dios ¿Chib'ih neerutiq weh chixiik'naah nimaal wach i nukooch nee nayeew? ruum xama' nayeew ta wo' wak'uun wixq'uun, xa reh wo' hoq i Eliezer naa rukahniik re' i numoso i aj Damasco.

Eh chupaam i q'iij re' re' wilik i xuyejaa' wach i Dios ruuk' i Abram je' wili xuq'or reh: Re' ye'aab' wili naa nuye'em aweh i hat, je' wo' keh awiih aamaam ko ar inik'ik chaloq chi chii' i nim ha' Egipto. Imponik chi chii' i nim ha' Éufrates.

Re' taqe awiih aamaam naa kiwihiik parukaaj ch'iht k'acharik naa wo' chik kisutiniik cho chupaam i ye'aab' wili, ruum chupaam taqe q'iij re' re' komajaa' taqe manlojik wach i kimahk i aj amorreo, inki.