פסוקים פופולריים מ- Gen 22

שתף

Chi riij i re', re' Abraham xukoj b'ih i ye'aab' re' re' chi re' Dios i ruyeew chaloq i ajwaal wach. Ruum aj re', re' yuuq' re' re' ruyeew chaloq i QaJaaw Dios aha' wilik i ajwaal wach i b'ih inkiq'or yu'naak.

Je' wili i xq'orarik reh ruum i QaJaaw Dios: Chak'am reje awak'uun Isaac, jinaj chi rib'il riib' chawach, q'e' nak'ax, hiy chupaam i ruyuq'ul i Moriah. Eh ar neenak'at chi amayiij chi nuwach aawak'uun chinaah i yuuq' neenuk'uhtaaj aweh, inki.

Re' ánjel je' wili i xuq'or reh i Abraham: Maacansaj awak'uun, ruum yu'naak xnukoj chik rehtaal noq inayohleej i QaJaaw Dios, ruum ma' xaketelaaj ta wach awak'uun. Xa jinaj wo' chawach. Xak'at la' naq chi amayiij chuwach i QaJaaw Dios, inki.

Re' Abraham je' wili i chaq'wik xub'an: Wak'uun re' QaJaaw Dios neen ye'wik cho jino'q qeh i tentzun neenqak'at, inki. Eh kilaq'ik reje wach b'eeh ruuk' i rak'uun.

Chixiik'naah i wotob'il naa nuye'em cha naah. Eh naa nuk'ihaaxb'isam taqe awiih aamaam korehtaal kiponik chi je' kik'ihaal i ch'umiil wilkeeb' pan taxaaj. Eh chi je' kik'ihaal i saniib' tub'ulkeeb' chi chii' i palaw, eh juneliik naakiq'atam wach i naa rixowaniik kiwach. Eh kuum wo' keh naa nuye'em i wotob'il chikinaah chu'nchel jar seht i tinamit naa kiwihiik, ruum re' hat xanimaj taqe i xnuq'or aweh, inki Dios, inki.

Eh najtir-oq chik imb'aan taqe re', re' QaJaaw Dios xunik'eej i Abraham mi korik reh i nimanik i rub'an, je' wili i xuq'or reh: Abraham, inki. Jaaw ayu' wilkiin, inki noq chaq'wik.

Jinaj i ruánjel i QaJaaw Dios xq'o'rinik cho reh chi je' wili: Abraham, Abraham, inki. Ayu' wilkiin Jaaw, inki noq chaq'wik i reh.

Re' ruánjel i QaJaaw Dios xuq'oreej wo' chik ruka'peech i Abraham kopan taxaaj. Je' wili i xuq'or cho reh: Re' i QaJaaw Dios, je' wili i xuq'or: Ruum chi xayeew naq weh chi amayiij awak'uun jinaj chi rib'il riib' chawach, panuk'ux xchalik chi xnuq'or i korik.

Noq xi ponik chupaam i ye'aab' i q'orooj reh ruum i QaJaaw Dios. Re' Abraham xuyejaa' jinaj i artaal ruuk' tusuj ab'aj, xutus wach i sii' chinaah xub'ak' wach i rak'uun Isaac. Xuyeew nah artaal chinaah i sii' k'atb'al reh i mayiij.